سێ تیرۆریستی داعش دەستگیردەکرێن

PUKMEDIA

لۆگۆی ئاسایش

ئاسایشی سلێمانی سێ تیرۆریستی داعش دەستگیردەکات و رووبەرووی یاسایان دەکاتەوە.

بەگوێرەی راگەیەندراوێکی رۆژنامەوانی دەزگای ئاسایشی هەرێم کە وێنەیەکی بۆ سایتی رەسمی یەکێتیی نیشتمانیی کوردستان PUKMEDIA نێردراوە ئاشکرایدەکات کە بەڕێوەبەرایەتی ئۆپراسیۆنەکانی دەزگای ئاسایشی هەرێم، بە هەماهەنگی ئاسایشی سلێمانی و ئاسایشی رۆژئاوای سلێمانی، (سێ) تیرۆریستی داعشیان دەستگیرکردووە.

بەپێی راگەیەندراوەکە تیرۆریستەکان لەسەر زانیاری هەواڵگری دەزگا ئەمنیەکانی حکومەتی فیدراڵ، لە دوو ئۆپەراسیۆنی جیادا دەستگیرکراون.

دوو تیرۆریستیان لە رۆژی ٢٠٢٣/٨/٢ دەستگیر کراون و یەکێکی تریشیان رۆژی ٢٠٢٣/٨/13، دەستگیرکراوە کە لە ریزەکانی داعشدا کاری بردن و گواستنەوە و دابەشکردنی ماڵ و سامانی کوردانی ئێزیدی بووە لە ناوچەی شەنگال.
PUKMEDIA