سەرۆک بافڵ: هەوڵەکانمان لەپێناو خەڵکی کوردستاندایە

PUKMEDIA

سەرۆکی یەکێتی و سەرۆکی ئاژانسی پاراستن و زانیاری/زانیاریی

بافڵ جەلال تاڵەبانی، سەرۆکی یەکێتیی نیشتمانیی کوردستان لە قەڵاچوالان سەردانی بارەگای ئاژانسی پاراستن و زانیاری/زانیاریی کرد و لەلایەن جەلال شێخ ناجی، سەرۆکی ئاژانسەوە پێشوازیلێکرا.

لەکۆبوونەوەکەدا جەلال شێخ ناجی ئەرک و بەرپرسیارێتییە نیشتمانییەکانی ئاژانسەکەی لە راپۆرتێکدا خستەڕوو و رایگەیاند: "لەچوارچێوەی یاسا بەرکارەکاندا ئەرکە هەواڵگرییەکانمان جێبەجێ دەکەین و هەموو هەوڵێکمان لەپێناو پاراستنی سەقامگیریی هەرێم و دەستەبەرکردنی ژیانێکی ئارامە بۆ خەڵکە خۆشەویستەکەمان".

لەدرێژەی کۆبوونەوەکەدا سەرۆک بافڵ ستایشی رۆڵ و پێگەی جەلال شێخ ناجی، سەرۆکی ئاژانسی پاراستن و زانیاری/زانیاریی کرد کە دڵسۆزانە ئەرک و بەرپرسیارێتییەکانی راپەڕاندووە، هاوکات پێزانینی بۆ ماندووبوونی ئەفسەران و کارمەندانی ئاژانس دەربڕی لە بەرامبەر پاراستنی ئاسایشی هەرێم و هەموو ئەو پرسانەی پەیوەستن بە ئارامیی هاوڵاتییانەوە و رایگەیاند: "مایەی شانازییە بەبێ جیاوازی و دوور لە لایەنگریی سیاسی ئەرکەکانتان رادەپەڕێنن و هەوڵەکانتان لەپێناو هەموو خەڵکی کوردستاندایە، ئەمەش شێوازە دروستەکەی کارکردنی ئێوەیە و ئێمەش بەهەمووشێوەیەک پشتیوانتان دەبین".
PUKMEDIA