قوباد تاڵەبانی: هەرێم بکەوێتە مەترسیەوە، هەموان باجەکەی دەدەن
کوردستان 07:51 PM - 2023-08-09کۆبوونەوەی جێگری سەرۆک وەزیران و هەڵسوڕێنەری کاروباری باڵیۆزخانەی ئەمریکا لە عیراق
قوباد تاڵەبانی، جێگری سەرۆک وەزیران، پێشوازیکرد لە دەیڤد بێرگەر هەڵسوڕێنەری کاروباری باڵیۆزخانەی ئەمریکا لە عیراق و لە کۆبوونەوەی نێوانیاندا پرسەکانی هەڵبژاردنی پەرلەمانی کوردستان و گرژییەکانی ناو وەزارەتی پێشمەرگە و دۆخی ناوخۆی هەرێم و پەیوەندییەکانی هەرێم و بەغدا تاوتوێ کران.
قوباد تاڵەبانی: کێشەکانی ناو وەزارەتی پێشمەرگە چارەسەر بکرێن
لە کۆبوونەوەکەدا کە رۆژی چوارشەمە ٩ی ئابی
٢٠٢٣، لە هەولێر بەڕێوەچوو و تیایدا دابان شەدەڵە جێگری بەرپرسی فەرمانگەی پەیوەندییەکانی
دەرەوەی هەرێم ئامادەی بوو، وەفدی ئەمریکا داوایکرد کێشەکانی ناو وەزارەتی پێشمەرگە
چارەسەر بکرێن، چونکە بەردەوامی کێشەکانی ناو وەزارەتی پێشمەرگە کاریگەری راستەوخۆی
هەیە لەسەر جێبەجێکردنی پرۆسەی چاکسازی.
هەر لەمبارەیەوە جێگری سەرۆک وەزیران هاوڕایی خۆی
دەربڕی لەسەر گرنگی پەلەکردن لە چارەسەرکردنی کێشەکانی ناو وەزارەتی پێشمەرگە لەپێناو
نەهێشتنی ئەو مەترسیانەی کە لە ئەنجامی گرژییەکان رووبەڕووی وەزارەت دەبێتەوە.
قوباد تاڵەبانی: لایەنەکان چارەسەرێکی گونجاو بۆ کێشەکانی نێوانیان بدۆزنەوە
لە تەوەرێکی دیکەی کۆبوونەوەکەدا باسی هەڵبژاردنەکانی
داهاتووی پەرلەمانی کوردستان کرا. لەمبارەیەوە قوباد تاڵەبانی رایگەیاند: "
ئامادەین بۆ ئەنجامدانی هەڵبژاردن لەو وادەیەی کە لەلایەن سەرۆکایەتی هەرێمەوە دیاری
کراوە".
وتیشی: "تا ئەو کاتە پێویستە لایەنە سیاسییەکان
بۆ بەڕێوەچوونی هەڵبژاردنێکی پاک و بێگەرد لەڕێگەی گفتوگۆوە چارەسەرێکی گونجاو بۆ
کێشەکانی نێوانیان بدۆزنەوە".
جێگری سەرۆک وەزیران: لایەنە کوردستانییەکان بە یەک دەنگ کار بکەن
لە بەشێکی دیکەی کۆبوونەوەکەدا باس لە پێگەی هەرێم
و مەترسییەکانی بەردەم هەرێمی کوردستان کرا. لەم چوارچێوەیەدا جێگری سەرۆک وەزیران
نیگەرانی خۆی لە دۆخی ناوخۆی هەرێم دەربڕی و رایگەیاند: "لەم قۆناغەدا هەرێمی کوردستان زیاتر لە
هەر کاتێکی دیکە رووبەڕووی مەترسی بووەتەوە، بۆیە پێویستە لایەنە سیاسییەکان بە هەستی
بەرپرسیارێتییەوە و بە سیاسەتی حەکیمانە کێشەکانیان چارەسەر بکەن و پێکەوە هەرێم لە
مەترسی بپارێزن. چونکە ئەگەر هەرێم بکەوێتە مەترسییەوە بە هەموو لایەکەوە باجەکەی
دەدەن، نەک تەنها لایەنێک زەرەرمەند بێت".
سەبارەت بە پەیوەندییەکانی نێوان هەرێم و بەغداش
قوباد تاڵەبانی جەختی کردەوە: "بۆ ئەوەی پێگەی هەرێم لە بەغدا بەهێز بێتەوە،
پێویستە دوای چارەسەرکردنی کێشە ناوخۆییەکان، لایەنە کوردستانییەکان بە یەکدەنگ و یەک
هەڵوێست لە بەغدا کار بۆ دابینکردنی مافە دەستورییەکانی کورد بکەن".
PUKMEDIA
هەواڵی زیاتر
-
مەکتەبی سکرتارییەت: بەرهەمەکانی مامۆستا ئەنوەر قەرەداغی سەرمایەیەکی بەنرخن
02:00 PM - 2024-05-20 -
قوباد تاڵەبانی: ئێران وڵاتێكی بههێزهو بهسهر ئهم كۆستهدا زاڵ دهبێت
01:13 PM - 2024-05-20 -
سەرۆک بافڵ: دڵمان لای گەل و سەرکردایەتی باڵای ئێرانە
11:38 AM - 2024-05-20 -
ئێران گیانلەدەستدانی سەرۆککۆمار و وەفدی یاوەری راگەیاند
10:46 AM - 2024-05-20
ئەمانەش ببینە
رێكخراوی پهیامنێران: لهسهر داوای داواكاری گشتی شاكار ستار دهستگیركراوه
02:43 PM - 2024-05-20
یەکێتی سەرەخۆشی لە کۆماری ئیسلامی ئێران دەکات
10:26 AM - 2024-05-20
سەرۆک بافڵ: نیگەرانین بە روداوی هێلیکۆپتەرەکەی سەرۆککۆماری ئێران
09:45 PM - 2024-05-19
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
05:31 PM - 2024-05-19
زۆرترین خوێنراو
-
قوباد تاڵەبانی بۆ باڵیۆزی کوەیت: پەیوەندی بازرگانی بەهێزتر بکەین
کوردستان 06:08 PM - 2024-05-20 -
رێكخراوی پهیامنێران: لهسهر داوای داواكاری گشتی شاكار ستار دهستگیركراوه
کوردستان 02:43 PM - 2024-05-20 -
مەکتەبی سکرتارییەت: بەرهەمەکانی مامۆستا ئەنوەر قەرەداغی سەرمایەیەکی بەنرخن
ی ن ک 02:00 PM - 2024-05-20 -
قوباد تاڵەبانی: ئێران وڵاتێكی بههێزهو بهسهر ئهم كۆستهدا زاڵ دهبێت
هەواڵ 01:13 PM - 2024-05-20 -
سەرۆک بافڵ: دڵمان لای گەل و سەرکردایەتی باڵای ئێرانە
کوردستان 11:38 AM - 2024-05-20 -
سەرۆککۆماری عیراق: پشتیوانی گەلی ئێرانین لەم بارودۆخە سەختەدا
عیراق 11:35 AM - 2024-05-20 -
ئێران گیانلەدەستدانی سەرۆککۆمار و وەفدی یاوەری راگەیاند
جیهان 10:46 AM - 2024-05-20 -
یەکێتی سەرەخۆشی لە کۆماری ئیسلامی ئێران دەکات
ی ن ک 10:26 AM - 2024-05-20