سەرۆک بافڵ: تێکەڵکردنی ژیان و گوزەرانی خەڵک بە ململانێ سیاسییەکان مایەی قبووڵ نییە

نوسینگەی رۆژنامەوانی سەرۆکی یەکێتی

سەرۆکی یەکێتی و سەرۆکی ھاوپەیمانیی عەزم

بافڵ جەلال تاڵەبانی، سەرۆکی یەکێتیی نیشتمانیی کوردستان لە ماڵی مام لە بەغدا پێشوازیی لە موسەنا سامەڕائی، سەرۆکی ھاوپەیمانیی عەزم کرد.

لەدیدارێکدا دوایین پێشهات و گۆڕانکارییە سیاسییەکان گفتوگۆی لەبارەوەکرا و جەخت لە هەماهەنگی و گفتوگۆی بونیادنەرانەی نێوان سەرجەم لایەنە سیاسییەکان کرایەوە بە ئامانجی پاراستنی سەقامگیری لە وڵاتدا.

لەبارەی چارەسەرکردنی کێشەکانی نێوان هەرێم و بەغدا و سەرخستنی پرۆسەی سیاسی لە وڵاتدا، سەرۆک بافڵ جەلال تاڵەبانی رایگەیاند: "جەخت لە پابەندبوون بە دەستوور و پاراستنی مافی هەموو گەلانی عیراق دەکەینەوە و هەموو هەوڵێکیشمان لەو پێناوەدایە"، "تێکەڵکردنی ژیان و گوزەرانی خەڵک بە ململانێ سیاسییەکان مایەی قبووڵ نییە و دەبێت دەستەبەرکردنی ژیانێکی شایستە بۆ خەڵکەکەمان، ئەرکی لەپێشینەمان بێت و هەمووان لەو پێناوەدا هەوڵبدەن".

PUKMEDIA