حامید حاجی غالی: لەهەکارییەوە تائێستاش خەڵک بەبێ دادگا راپێچدەکرێت
کوردستان 10:03 PM - 2023-08-08حامید حاجی غالی
لەبارەی کارەساتی هەکارییەوە ئەندامێکی مەکتەبی سیاسی یەکێتی لەوەڵامی کەمال کەرکوکیدا دەڵێت: " خەڵک شایەتی خەباتی یەکێتیەو و ژمارەی زیندان و شەهیدەکان دەریدەخات کەکێ خەباتی کردوەو کێ خیانەتی کردووە، ئەوان بانگەشەی ئەوە دەکەن شەهیدە سەرکردەکانی کارەساتی هەکاری دادگا کراون، ئەی خۆ ئێستا بێ دادگا خەڵک راپێچ دەکرێت لەسەر وتەیەک سزا دەرێت".
حامید حاجی غالی ئەندامی مەکتەبی سیاسی یەکێتی و فەرماندەیەکی بەشداربووی کارەساتی هەکاری لە دیدارێکی کەناڵی ئاسمانی گەلی کوردستاندا دەڵێت: "نامەوێت مێژوو بشێوێنم، بەڵام دەمەوێت وەک ئەوەی بینیومە هەق بڵێم، کاتێک جەنابی سەرۆک مام جەلال و کاک نەوشیروان گەڕانەوەو شەهیدبوونی کاک ئارامی بەسەردا هات، کۆستێکی گەورە بوو بۆ ئێمە، بۆیە کۆبوینەوەو لەو کۆبونەوەکەدا زانیاریمان بۆ هات کە دۆستەکانمان ئامادەن چەکمان پێ بدەن".
ئیدریس بارزانی وتی پێمان نەکرێت پێمان تێکدەدرێت
"ئەم وتەیە زۆر کۆبونەوەی لەسەر کرا و وەفدێکیان نارد بۆ ئێران بۆ لای کاک ئیدریس، وەڵامەکانی خراپ نەبوون بەس وتبووی کە هەوڵبەین بەیەکەوە شۆڕش بکەین، بەڵام ئەگەر بەیەکەوە نەیکەین، پێمان نەکرێت پێمان تێک دەدرێت، دواتر نامە نێدرا بۆ حەمایل خان و ئەو جوابەکەی ئیجابی بوو، بەڵام بەهۆی ئەوەی نەگەیشتبوینە رێککەوتن لەگەڵ قیادە موەقەتە، بڕیاردرا بۆ ئەوەی بتوانین بەسەلامەتی ئامانجەکانمان بپێکین لە شوێنێکەوە بڕۆین قیادەی موەقەتەی تێدا نەبێت، دوای ئەوەی چوینە سنوری تورکیا، مام جەلال و کاک نەوشیروان بۆچونیان وابوو پەلە نەکەین، خوا لیخۆشبوو کاک عەلی وتی" ئەمە هەلێکی زێڕینە بۆ کوردستان و دەبێت ئێمە بچین ئەو چەکانە بهێنین"، بۆیە بڕیار درا بە سێ وەجبە بچین"، حامید حاجی غالی وای وت.
وتیشی: "ئێمە هێزێک بوین کەمترین رێژەمان چەکدار بوو، چونکە بڕیاربوو لەوسەرەوە چەک بهێنین، لەوێ پێیان وتین رێگەکەمان مەترسیدارە و بگەرێینەوە باشترە، بەڵام کاک ئازاد وتی" ئێمە تیابچین باشترە لەوەی هاوڕێکانمان بەجێ بهێڵین"، سەرکردە شەهیدەکانی یەکێتی وەک د. خالید و شێخ حسێن چونە پێشەوەو رویانکردە جەوهەر نامیق و وتیان: "بە کوشتنی ئێمە بیری نوێمان لەناوناچێت".
"تەنها یەک وتەی کەمال کەرکوکی بەراست دەزانم کە دەڵێت: "حزبی ماوی هەبوو زۆر بە دۆستمان دەزانین و ئەوان خیانەتکاربوو لەگەڵماندا و هەموو شتێکیان دەگەیاندە قیادەی موەقەتە" حامید حاجی غالی وایوت.
پارتی یاساو دادگا سوک و بێحورمەت دەکات
ئەندامەکەی مەکتەبی سیاسی یەکێتی دەشڵێت: "پارتی دەڵێت مەحکەمە بڕیاری لەسەر شەهیدەکانی یەکێتی داوە، ئایا کێ حاکم بوو؟ کە ئێستاش حاکم و مەحکەمە نییە، ئەوان تاوانیان کردووە، لەجیاتی بێدەنگبوون وەک کەیسەکانی بادینان تۆمەت دەدەنە پاڵیان و قانون و مەحکەمە سوک و بێ حورمەت دەکەن".
هەر لەوەڵامی بوختانەکانی کەمال کەرکوکیدا وتی: " دەڵێن گوایە ئێمە سەر بەئێران بووین، کەلەکاتێکدا پێشمەرگەمان بۆ نان خواردن چووە، ئێران گرتویەتی و دوای شەش مانگ هەواڵیمان زانیوە، خەڵک شایەتی خەباتی یەکێتییە و ژمارەی زیندان و شەهیدەکان دەریدەخات کەکێ خەباتی کردوەو کێ خیانەتی کردووە، ئەوەش کە مام جەلال و کاک نەوشیروان تۆمەتبار دەکەن بەوەی ویستویانە لەو پۆلە سەرکردەو پێشمەرگەیە رزگاریان ببێت، ئەوپەڕی بێویژدانییە، چونکە ئەوان دەیانویست پەلە نەکرێت لەو چالاکیەو شەهید عەلی عەسکەری پێداگر بوو".
"هەڵدانەوەی ئەم پەڕانەو شێواندنی مێژووەکەی بۆ کورد زۆر خراپە و پارتی و سەرکردەکانی دەبوو مەسئولیەتی تەئریخی میلەتی کورد هەڵگرێت و ئەم بابەتانە بەئەمانەتەوە باس بکرێن و ڕێگە بدەن ئاشتی و برایەتی لەنێو کورد بەردەوام بێت، بەڵام ئەوەی دەیبینین بەپیچەوانەوەیە و لە 80٪ ی کێشەکانی هەرێم پارتی لێی بەرپرسە" ئەندامەکەی مەکتەبی سیاسی وای وت.
PUKMEDIA
هەواڵی زیاتر
-
کۆنفرانسی زانستی نێودەوڵەتی کاری کۆمەڵایەتی سازدەکرێت
10:46 AM - 2024-04-28 -
باڵیۆزی یهكێتیی ئهوروپا: زیاتر هاوکاری عیراق و هەرێم دەبین
04:34 PM - 2024-04-27 -
هێرشە درۆنیەكەی كۆرمۆر كاردانەوەی نێودەوڵەتی لێدەكەوێتەوە
10:11 AM - 2024-04-27 -
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
07:59 PM - 2024-04-26
ئەمانەش ببینە
٧١ هەمین هەفتانەی دیجیتاڵی ئینگلیزی بڵاودەكرێتەوە
09:10 AM - 2024-04-28
یەمەن ناوی کوژراو و بریندارەکانی کێڵگەی کۆرمۆر ئاشکرا دەکات
06:17 PM - 2024-04-27
وەزارەتی دەرەوەی ئیمارات: پەلامارەكەی كۆرمۆر تیرۆریستی و پێشێلكاری نێودەوڵەتییە
05:44 PM - 2024-04-27
قائیمقامی چەمچەماڵ: دوو وەفدی هەرێم و عیراق سەردانی کۆرمۆر دەکەن
11:17 AM - 2024-04-27
زۆرترین خوێنراو
-
پرسەنامەی قوباد تاڵەبانی بۆ خانەوادەی کامەران حەمە حەمەسەعید
پرسەنامە 10:01 AM - 2024-04-28 -
٧١ هەمین هەفتانەی دیجیتاڵی ئینگلیزی بڵاودەكرێتەوە
جیهان 09:10 AM - 2024-04-28 -
سەرۆكکۆمار: عیراق وڵاتی هەمووانە
عیراق 07:22 PM - 2024-04-27 -
شاجوانەکەی خانەقی
بیروڕا 06:22 PM - 2024-04-27 -
چاوێکیشتان لە زۆرینەی فەقیر و فوقەرا بێت
بیروڕا 06:20 PM - 2024-04-27 -
یەمەن ناوی کوژراو و بریندارەکانی کێڵگەی کۆرمۆر ئاشکرا دەکات
جیهان 06:17 PM - 2024-04-27 -
وەزارەتی دەرەوەی ئیمارات: پەلامارەكەی كۆرمۆر تیرۆریستی و پێشێلكاری نێودەوڵەتییە
جیهان 05:44 PM - 2024-04-27 -
باڵیۆزی یهكێتیی ئهوروپا: زیاتر هاوکاری عیراق و هەرێم دەبین
جیهان 04:34 PM - 2024-04-27