تەبایی و پێکەوەیی مەرجی سەرکەوتنە

تایبەت

ئازاد جۆڵا

ئازاد جۆڵا / هەولێر

بۆ تۆمارکردنی لیست و هاوپەیمانیەتی نێوان هێزو لایەنەکان بۆ هەڵبژاردنی ئەنجومەنی پارێزگاکانی عێراق ، کات زۆر کەم ماوەو لایەنە کوردستانییەکانیش زۆر لێکتردوورن ، ئەوەی تائێستا ڕوونبۆتەوەو مسۆگەرە بەشداری هەریەك لە پێکهاتەکان بەم شێوەیە دابەش بوون 
عەرەب بە 3 لیستی جیاواز
تورکمان بە 2 لیستی جیاواز
کورد بە 4 لیستی جیاواز 
ئەمە جگە لە لیست و کاندیدی سەربەخۆ  لەهەرسێ پێکهاتەکە .

ئەگەر تێکڕای دەنگە تەواوەکانی ئەنجامی  هەڵبژاردنەکەی 2021/10/10 ی  ئەنجومەنی نوێنەرانی عێراق لەکەرکوک بەنموونە وەربگرین ،  ئەنجامەکان بەم شێوەیە بوو : -
کورد 160370 دەنگ  39,16 ％
عەرەب 120672 دەنگ  29,46 ％
تورکمان 45773 دەنگ  11,17 ％
سەربەخۆکان 82679 دەنگ  20,18 ％
تێکڕای دەنگی تەواو 409494 دەنگ  99,98 ％

وە ئەگەر ئەم ئەنجامە وەک گریمانەو بەبنەما بۆ هەر پێکهاتەیەک بۆ هەڵبژاردنی ئەنجومەنی پارێزگای کەرکوک ئەژمار بکەین کە 16 کورسییە و بەم شێوەیە دابەش بووە 

1 کورسی بۆ کۆتای کریستیانەکان و 15 کورسیش بۆ گشتی ئەوا  ئەنجامەکان بەم شێوەیە دەبێت ، 
کورد  5,85 ％   6 کورسی
عەرەب  4,35 ％  4 کورسی
تورکمان  1,65 ％  2 کورسی
سەربەخۆکان  3,00  ％  3 کورسی
کۆی گشتی ( 14٫85 ) 

بێگومان ئەمە لەحاڵەتی یەك لیستی بۆ هەر پێکهاتەیەك ، بەڵام بەداخەوە وەک دەبینین یەک لیستی لەناوچە جێناکۆکەکان و بەتایبەت لەکەرکوك ،  بوو بەخەونێکی نەزۆك بۆ کوردو سەرکەوتن بۆ پیلانی داگیرکەران و دوژمنانی کورد ، لەم حاڵەتشدا بێگومان ئەنجامەکان جۆرێکی تر دەبن چونکە حوکمی یاساکە  کە ( سانت لیگۆ ) یە و دابەشی 1٫7 و دواتریش کۆلکە هاوبەشەکانی دەکرێت پێمان دەڵێت هەر پێکهاتەیەک ژمارەی لیستی زیاتربێت دەنگەکانی زیاتر پەرت دەبێت و کورسیەکانی کەم دەبێت ، لەبەرامبەریشدا هەر پێکهاتەیەک ژمارەی لیستەکانی کەمتربێت قازانج دەکات و ژمارەی کورسیەکانی زیاتر دەبێت ...

PUKMEDIA