ستران عەبدوڵڵا: هەکاری و خیانەتی 31 ی ئاب نەیبەزاندین

PUKMEDIA

ستران عەبدوڵڵا

ستران عەبدوڵڵا لێپرسراوی مەکتەبی راگەیاندنی یەکێتیی نیشتمانیی کوردستان لەبارەی تاوانی کارەساتی هەکاری دەڵێت: "هەکاری کۆڵی پێنەداین و خیانەتی 31 ی ئاب نەیبەزاندین، داخۆ چەلەحانێی بێ بنەمای 16ی ئۆکتۆبەر و لەراستی راکردن لە کەرکوک و شەنگال دەمانهەژێنێت؟"، دەشڵێت: " باشترە ئەوانە نەهێننە سەر شاشە کەلەبەر تۆماری شەرمەزارییان شەرم دەکەین ناویان بهێنین".

لێپرسراوی مەکتەبی راگەیاندنی یەکێتیی نیشتمانیی کوردستان رایدەگەیەنێت: "دەنگی یەکێتی بۆ فاشیستان و داگیرکەران و نەیاران هەمیشە تیژ و لەبارە، یەکێتی پێتان دەڵێت هەکاری کۆڵی پێنەداین و خیانەتی 31 ی ئاب نەیبەزاندین، داخۆ چەلەحانێی بێ بنەمای 16ی ئۆکتۆبەر و لەراستی راکردن لە کەرکوک و شەنگال دەمانهەژێنێت".

ئەم وتانەی ستران عەبدوڵڵا لە مەراسیمی چلەی تێکۆشەر و پێشمەرگەی دێرین سەڵاح جان_دا بوو وەک وەڵامێک بۆ چەواشەکاری و شێواندنی راستییەکانی کارەساتی هەکاری لەلایەن کەمال کەرکوکییەوە و رایگەیاند: "یەکێتی یادی سەروەری دێرین و خەبات دەکاتەوە کە هەڤاڵ سەڵاح جان موراد ناونیشانێکی هەرە دیارێتی، کە دەبینین چەواشەکاری و بێ مۆراڵی گەیشتوەتە هەموو گەلێک و هەندێک دەخوازن ئەم خەباتە کەڵەگەتەی یەکێتیی نیشتمانیی کوردستان بسڕنەوەو بێهودە دەیانەوێت پەرۆشی یەکێتی بۆ ئاشتی لەم هەلومەرجەی ژیان و گوزەرانی خەڵکدا بەلارێدا بەرن و سەبری ئەیوبی شۆڕشگێری یەکێتی تاقی بکەنەوە".

"زۆر بەڕاشکاوانە دەڵێین سەبری یەکێتی بە شەهیدەکانی تاقی نەکەنەوە، باشترە ئەوانە نەهێننە سەر شاشە کەلەبەر تۆماری شەرمەزارییان شەرم دەکەین ناویان بهێنین، ئەگەر نەبەردی و سوارچاکییە بەناونیشانی خۆتانەوە وەرنە مەیدان، تا یەكێتی پێتان بڵێت: هەكاری كۆڵی پێ نەداین و خیانەتی ٣١ی ئاب نەی بەزاندین، داخۆ چەلەحانێی بێ بنەمای 16ی ئۆكتۆبەر و ڕاستی  ڕاكردن لە كەركوك و شەنگال دەمانهەژێنێ؟ هەندێک کەس لەسەر کارەساتی هەکاری قسە دەکەن کە پێویستە دادگایی بکرێن، ئەمڕۆ یادی ماتەمی تێكۆشەرێكی هەڵۆی سووری یەكێتییە كە ماتین، بەڵام دەندوكەكەی یەکێتی بۆ فاشیستان و داگیركەران و نەیاران هەر تیژ و لەبارە ." ستران عەبدوڵڵا وای وت.

PUKMEDIA