داواکارییەکانی دانیشتوانی کفری دەگەیەنرێتە سەرۆکی یەکێتی و جێگری سەرۆکی حکومەت

تایبەت

سەرۆکی یەکێتی و رێکخراوی پاڵپشتی کفری

رێکخراوی پاڵپشتی کفری بۆ گەیاندنی داواکارییەکانی دانیشتوانی کفری سەردانی بافڵ جەلال تاڵەبانی سەرۆکی یەکێتیی نیشتمانیی کوردستان و قوباد تاڵەبانی جێگری سەرۆکی حکومەتی هەرێم دەکەن.

 رێکخراوی پاڵپشتی کفری لە راگەیەنراوێکدا رایدەگەیەنێت:"وەکو ڕێکخراوی پاڵپشتی کفری و لە چوارچێوەی هەوڵەکانماندا بۆ داکۆکیکردن لە داواکارییەکانی دانیشتوانی شارەکەمان، ئەمڕۆ یەکشەمە، سەردانی بەڕێزان بافڵ تاڵەبانی سەرۆکی یەکێتیی نیشتمانیی کوردستان و قوباد تاڵەبانی جێگری سەرۆکی حکومەتی هەرێممان کرد"

راشیگەیاندووە:"سەرجەم داواکارییەکانی کفریمان خستەڕوو، بڕیاری خێرا بۆ جێبەجێکردنی بەشێکی زۆر لە داواکارییەکان درا، تەواوی داواکارییەکانی تریش لیژنە بۆ جيبەجێکردنیان پێکهێنراو بەم نزیکانە لیژنەکان دەست بەکاردەبن".

هەر لە راگەیەنراوەکەدا ئاماژە بەوەشکراوە، دانیشتنەکان بەگەرمی بەڕێوەچوون و جدییەتمان لە بڕیارەکاندا دەبینی، دواتر وردەکاری دانیشتنەکان بۆ ڕای گشتی دەخەینەڕوو.

PUKMEDIA