قوباد تاڵەبانی: سودمان لە ئەزموونی ئیستۆنیا وەرگرتووە

نووسینگەی رۆژنامەوانی قوباد تاڵەبانی

قوباد تاڵەبانی، مەسرور بارزانی، هاننۆ پیڤكۆر

قوباد تاڵەبانی جێگری سەرۆكوەزیران لەگەڵ وەزیری بەرگری ئیستۆنیا تاوتوێی چۆنییەتی پەرەپێدانی پەیوەندییەكانی هەرێم لە بواری سەربازی و روبەڕوبوونەوەی تیرۆر دەكەن.

قوباد تاڵەبانی جێگری سەرۆكی حكەمەتی هەرێمی كوردستان لە پەڕەی تایبەتی خۆی لە فەیسبوك رایگەیاند: "لەگەڵ سەرۆكی حكومەت، پێشوازیمان لە هاننۆ پیڤكۆر وەزیری بەرگری ئیستۆنیا كرد و تاوتوێی چۆنییەتی پەرەپێدانی پەیوەندییەكانمان كرد لە بواری سەربازی و روبەڕوبوونەوەی تیرۆردا".

راشیگەیاندووە: "ئیستۆنیا لە ماوەی ساڵانی رابردوودا لە چوارچێوەی هاوپەیمانی نێودەوڵەتی دژ بە داعش هاوكار و پشتیوانمان بووە، لەم چوارچێوەیەدا داوامان كرد پشتیوانییەكانی ئیستۆنیا بۆ هێزی پێشمەرگەی كوردستان بەردەوام بێت".

ئاماژەی بەوەش كردووە: "نەك تەنھا لەبواری سەربازی، بەڵكو لەبواری بەدیجیتاڵكردنی كاروباری حكومەت سودمان لە ئەزموونی پێشكەوتووی ئەو وڵاتە بینیوە. داوامان كرد پەیوەندییەكانمان لەبوارەكانیتریش بەهێزتر بكەین".

PUKMEDIA