سەرۆک بافڵ سوپاسی بەریتانیا دەکات

PUKMEDIA

بافڵ جەلال تاڵەبانی سەرۆکی یەکێتیی نیشتمانیی کوردستان

بافڵ جەلال تاڵەبانی سەرۆکی یەکێتیی نیشتمانیی کوردستان لە راگەیەندراوێکدا سوپاسی پێزانینی خۆی ئاڕاستەی حکومەت و گەلی بەریتانیا دەکات بۆ بڕیاری بەجینۆساید ناساندنی کۆمەڵکوژیی کوردانی ئێزدی و رایدەگەیەنێت، "ئەرکی هەمووانە مافی کوردانی ئێزدی بپارێزین".

دەقی راگەیەندراوەکە...

بڕیاری بەجینۆسایدناساندنی کۆمەڵکوژیی کوردانی ئێزدی لەلایەن حکومەتی بەریتانیاوە، هەنگاوێکی ئەرێنی و دڵخۆشکەرە بۆ زیاتر تیشکخستنەسەر ئەو تاوانانەی دەرحەق بە ئێزدییەکان و کورد بە گشتی ئەنجامدراوە.

سوپاسی بێپایانمان ئاڕاستەی حکومەت و گەلی بەریتانیا دەکەین لەبەرامبەر ئەم بڕیارە مێژووییەدا و هەوڵەکانیان لەپێناو چەسپاندنی دادپەروەری بەرز دەنرخێنین.

لەسەر ئاستی کوردستانیش ئەرکی هەموومانە پێکەوە هەوڵەکانمان بۆ بەدەستهێنانی پشتگیریی کۆمەڵگەی نێودەوڵەتی بۆ بەجینۆسایدناساندنی ئەو تاوانانەی بەرامبەر گەلەکەمان ئەنجامدراوە چڕ بکەینەوە و مافی کوردانی ئێزدی بپارێزین.

بافڵ جەلال تاڵەبانی
سەرۆکی یەکێتیی نیشتمانیی کوردستان
PUKMEDIA