قوباد تاڵەبانی: جینۆسایدی بارزانییەكان بكەینە دەرفەت بۆ بەهێزكردنی هەستی بەرپرسیارێتی

نووسینگەی جێگری سەرۆكوەزیران

قوباد تاڵەبانی

قوباد تاڵەبانی جێگری سەرۆكی ئەنجومەنی وەزیران لە راگەیەندراوێكدا بۆ یادی جینۆسایدی بارزانییەكان رایدەگەیەنێت: "پێویستە یادكردنەوەی شەهیدان و قوربانییانی ئەنفال بكرێنە دەرفەت بۆ بەهێزتركردنی هەستی بەرپرسیارێتی بەرامبەر كۆمەڵگا و داهاتووی وڵاتەكەمان".

دەقی راگەیەندراوەكە:


لە یادی جینۆسایدی بارزانییەكاندا، یاد و بیرەوەری جینۆسایدی بارزانی و هەموو قوربانییانی ئەنفال و جینۆسایدی گەلی كورد بەرز و پیرۆز رادەگرین. 

پێویستە بۆنەكانی یادكردنەوەی شەهیدان و قوربانییانی جینۆساید چ لە ئێستا و چ لە داهاتوودا بكرێنە بۆنە و دەرفەتێك بۆ زیندووكردنەوە و بەهێزتركردنی هەستی بەرپرسیارێتی بەرامبەر كۆمەڵگا و داهاتووی وڵاتەكەمان لەناو لایەنە سیاسییەكاندا، تا سەرباری هەموو جیاوازییە سیاسییەكان، پێكەوە هەوڵ بدەن بۆ دابینكردنی داهاتوویەكی باشتر بۆ گەلەكەمان و رێگری بكەن لە دووبارەبوونەوەی نەهامەتییەكان.

قوباد تاڵەبانی
جێگری سەرۆكی ئەنجومەنی وەزیران

PUKMEDIA