ساڵۆنی کوردستانی نوێ کۆڕێک بۆ د.هەژار محەمەد سازدەکات

فۆتۆ:هۆگر محەمەد

د. هەژار و د.شیلان

لە بەردەوامی کار و چالاکییەکانیدا ساڵۆنی کوردستانی نوێ لەکۆڕێک-دا، ناساندن بۆ کتێبی (تأثير المسلسلات المدبلجة على أنظمة القيم الاجتماعية) دەکات، کە لەنوسینی پ.ی.د. هەژار محەمەد-ەو بە زمانی عەرەبییە.

سەعات ١١:٠٠ ی پێشنیوەڕۆ ئەمڕۆ ٣٠-٧-٢٠٢٣ لە مەراسیمێکدا لە ساڵۆنی کوردستانی نوێ، بەئامادەبوونی ستران عەبدوڵڵا لێپرسراوی مەکتەبی راگەیاندنی یەکێتی و نووسەران و رۆشنبیران و ژمارەیەک لەخوێندکارانی تەکنیکی میدیا لەزانکۆی پۆلیتەکنیکی سلێمانی، کاری ناساندن و بڵاوکردنەوە بۆ کتێبی تأثير المسلسلات المدبلجة على أنظمة القيم الاجتماعية (کاریگەری زنجیرە دۆبلاژکراوەکان لەسەر بەهای سیستەمی کۆمەڵایەتی)، لە نووسینی پ.ی.د. هەژار محەمەد سازکرا.

کتێبەکە چاپی یەکەمە و لە ٣٤٠ لاپەرە پێكهاتووە، ٥٠٠ ژمارەی لەلایەن مەکتەبی راگەیاندنی یەکێتیی نیشتیمانیی کوردستان-ەوە، لێ چاپکراوە و بەزمانی عەرەبییە، باس لە کاریگەری زنجیرە دۆبلاژکراوەکان دەکات لەسەر سیستەمی کۆمەڵایەتی.

PUKMEDIA ئامادەکردنی: ئەلەند سامان و شیروان عوسمان