ئاراس محەمەد: سەرۆک بافڵ لەسەر رێبازەکەی مام داکۆکیکارە

PUKMEDIA

ئاراس محەمەد ئاغا

یەکێتی هەمیشە بۆ بەرژەوەندی خەڵکی هەرێمی کوردستان ئامادەی دانوستان بوەو ئەندامێکی سەرکردایەتیش دەڵێت: "لە رابردوو لە ئێستاشدا ئەرک و سیاسەتی لەپێشینەی یەکێتی داکۆکی لە مافی خەڵکی هەرێمی کوردستان بووە و لەو پێناوەدا هەوڵی داوە".

ئاراس محەمەد ئاغا ئەندامی سەركردایەتی و لێپرسراوی مەڵبەندی ٧ی رێكخستنی موسڵ لە بەرنامەیەکی کەناڵی ئاسمانی کوردساتدا دەڵێت: "سەرۆک بافڵ هەموو کات بۆ بەرژەوەندی خەڵکی هەرێمی کوردستان ئامادەی دانوستانە و هەرچییەک لەبەرژەوەندی خەڵک و مووچەخۆران بێت دەیکات و ئامادەیە بچێتە بەغدا و گوێش بەوە نادات لەگەڵ کێ کۆدەبێتەوە".

"ئەرک و سیاسەتی یەکێتیی نیشتمانیی کوردستانە داکۆکی لە مافی خەڵکی هەرێم بکات، لەڕابردوو سەرۆک مام جەلال بەهەمان سیاسەت کاری کردوەو ئێستاش سەرۆک بافڵ پەیڕەوی دەکات و رۆڵی گرنگ دەبینێت لەچارەسەری کێشەکان و هەموو کاتیش سەردانەکانی رۆڵێکی گرنگی گێڕاوەو بەردەوامیش دەبێت"، ئاراس محەمەد ئاغا وای وت.

PUKMEDIA