كورد خوێنی بۆ دیموكراسییەكەی كەركوك داوە
بیروڕا 10:46 AM - 2023-07-28ستران عەبدوڵڵا
ستران عەبدوڵڵا
لە وێستگەی 28 ی تەمووزی 2008 یشدا هەروا خوێنی داوەو بەكردار و هیممەت و گیانبازی ئەم ویستە ئازادیخوازەی بۆ خۆشەویستی بێ مەسڵەحەت و بێ ئەندازەی كەركوكی دووپات كردووەتەوە.
ئەم وێستگەیە بۆیە دەنگی دایەوە و رەنگی هەیە چونكە بەهۆی میدیای گەشەكردووی جیهان و بە بەرچاوی هاوپەیمانی نێو دەوڵەتییەوە، یانی وەكو فلكلۆری كوردی دەیڵێ (عالەم پێی زانی)، كۆشش و ئیرادە خۆی نمایان كرد. دەنا دەیان ساڵ بوو خوێن و خەبات ناونیشانی چیرۆكی كورد و كەركوك بوو و گش لێی بێ خەبەر بوو .
مورافەعەكەی مام لە گۆڕەپانی مەجلسی حوكم كە خوێنی مەرەكەب و قەڵەم و نەبەردی خەریتە و بەڵگە و زمانی مێژوو بوو، رێگایەكی ئاوەدانی بۆ تێكۆشانی مەدەنی و دیموكراسیی و سیاسەت و پێ سەلماندن و پێك سەلماندن كردەوە. لەقوڵایی رۆژگارانیشدا مورافەعەی خوێن و خەم وپەژارە لە مێژە هەبوو، لە شەهیدانی كرێكارانی گاورباغی، لە شەهادەتی شەهید مارف بەرزنجی لەبەردەم ستەمی داگیركەر و پیلانگێڕی كۆمپانیاكانی نەوت و ئوێنی تەورانی و دڕندەیی حەرەس قەومی تا وێستگەی شەهید مامە ریشە و هاورێ شەهیدەكانی لە نەبەردی حەمك، بۆ زەماوەندی یانزە سوارەكەی قازان بە پێشڕەوی كاك ئەنوەر، بۆ وێستگەی بڵێسەی گۆڕستان و جووت قاوە لە خۆپیشاندانی سالی 1982. بۆ شەهادەتی سەركردەكان عەلی عەسكەری و سیروان تاڵەبانی و حەمە غەفور ئاغجەلەری و ئینجا ئازاد هەورامی تا قەڵغانی خوێنینی راپەڕین لە جێپەنجەی شەهیدی سەركردە عەبدولرەزاق و بۆ هەڵمەتی شەهید حاجی هەڵمەت. ئەمانە ناونیشانن بۆ پشوودرێژی كورد و كۆڵنەدانی لە داستانی كەركوكدا.
لە گۆڕەپانی 28ی تەمووزدا كورد رێگا بوژاوە راستەكەی هەڵبژارد، رێگای نوێی ئاشتی و دەربڕین و بانگەوازی لافیتە و دروشمی مەدەنی بۆ داكۆكی لە هەقی دیموكراسیی و لە بنەمای دەستوور و لە نەخشەرێی 140 و لە پێویستی سپاردنی ئەركی سیاسیی بە هەڵبژاردنێكی بێگەردی بێ قاچووقوچ. ئەوانی تر رێگای فەرهەنگی خۆسەپاندن و ناعەدالەتی و نا دادییان هەڵبژارد كاریان راست نەبێ.
كورد لەم هەڵوێستانەدا بۆیە تا ئێستا كۆڵی نەداوە و ئیرادەی كول نابێ و ژەنگ هەڵناهێنێ چونكە لەسەر حەقە، كورد بۆیە ئیرادەی هەیە و سەردەكەوێ چونكە ویستە ئازادیخوازەكەی لەگەڵ دیموكراسیی و راستی مێژوو و مافداریدا یەك دەگرێتەوە.
تەنانەت لە سەردەمی هەڵبژاردن و دیموكراسیشدا كە بە حیساب دەبێ سەردەمی پەنجەمۆر و دەنگدان و دەنگكردن بێت وا دەبینین خوێن دەدا ئەگەر ململانێ رەوا و دادپەروەرەكە ئیجابی كرد. ئەگەر بۆ بەرەنگگاری داعش و فەراغی ئەمنیش بێت دیسان ئاڵای بڵندكراوی شەهیدان لیوا شێركۆ و لیوا حسێن مەنسووری هەس. كورد لە هاواری كپكراوی مێژووەوە خاوەندارێتی لەم دۆسێیە دەكا و لەسەری دێتە جواب، لێ نەیار هێزی دەوڵەت و عەسكەر و تەعریبی كۆن و نوێ و كەینوبەینی كۆمپانیاكانی نەوت دەخاتەگەڕ و هەر رۆژە و بە لەونێ خۆی دەنوێنێ. فەقەت كورد دەیناسێتەوە و لەناو هەزار داو و تەپكەدا بە موكێشی راستی دەریدێنێ و پێی ئێژێ ،پێیان بڵێ : لێرە نارۆم. ئیشم ماوە و ئەركم هەیە.
ئەم رۆژە رۆژێكە لە دەیان رۆژی بەرەنگاری، رۆژی تریش ماون. لەكۆتایی 2023 یش جەولەیەكی ترمان هەیە.
هێشتا زووە مێژوو دوا قسەی خۆی بكات.
PUKMEDIA
هەواڵی زیاتر
-
19-5 ههرێمی كوردستان یهكهمین ههڵبژاردنی ئازادی ئهنجامدا
09:54 AM - 2024-05-19 -
حەوت ساڵ بەسەر كۆچی رەوانشاد نەوشیروان مستەفا تێدەپەڕێت
09:16 AM - 2024-05-19 -
هێزی پێشمەرگە و سوپای عیراق و هاوپەیمانان کۆبونەوەی باڵا دەکەن
09:34 PM - 2024-05-18 -
نێروەیی: هەواڵەکەی خەبات پەیامێکی هەواڵگرییە
05:33 PM - 2024-05-18
ئەمانەش ببینە
٧٤ هەمین هەفتانەی دیجیتاڵی ئینگلیزی بڵاودەكرێتەوە
09:02 AM - 2024-05-19
وەزیری رۆشنبیری: ئێستا جاسوسی بە ئاشکرا دەکرێت
09:26 PM - 2024-05-18
لەهەڵبژاردنی سەرۆکی پەرلەماندا عیساوی پێش مەشهەدانی کەوت
05:45 PM - 2024-05-18
دەنگدان بۆ هەڵبژاردنی سەرۆکی نوێی ئەنجومەنی نوێنەران دەستیپێکرد
04:10 PM - 2024-05-18
زۆرترین خوێنراو
-
وەزیری رۆشنبیری: ئێستا جاسوسی بە ئاشکرا دەکرێت
کوردستان 09:26 PM - 2024-05-18 -
جاسوسی
بیروڕا 09:23 PM - 2024-05-18 -
لەهەڵبژاردنی سەرۆکی پەرلەماندا عیساوی پێش مەشهەدانی کەوت
عیراق 05:45 PM - 2024-05-18 -
نێروەیی: هەواڵەکەی خەبات پەیامێکی هەواڵگرییە
کوردستان 05:33 PM - 2024-05-18 -
دەنگدان بۆ هەڵبژاردنی سەرۆکی نوێی ئەنجومەنی نوێنەران دەستیپێکرد
کوردستان 04:10 PM - 2024-05-18 -
سەرۆکی فراکسیۆنی یەکێتی: دانانی پارێزگارێک بۆ کەرکوک کێشەکان چارەسەر دەکات
کوردستان 12:33 PM - 2024-05-18 -
کتێبی شەو لەكێوان ناساندنی بۆ كرا
کوردستان 11:36 AM - 2024-05-18 -
ساڵیادی کۆچی دوایی عادل موراد بەڕێوەچوو
ی ن ک 11:08 AM - 2024-05-18