دژەتیرۆر و هەواڵگری نیشتیمانیی تاوانبارێکی سپایکەر دەستگیردەکەن

PUKMEDIA

لۆگۆی دژەتیرۆر و دەزگای هەواڵگری نیشتیمانیی عیراق

دوای زانیاری وردی هەوڵگری و ئۆپراسیۆنێکی سەرکەوتوو، دژەتیرۆر و دەزگای هەواڵگری نیشتیمانیی عیراق، تاوانبارێکی سپایکەریان دەستگیر کرد.

لەراگەیەنراوێکی دژەتیرۆر و دەزگای هەواڵگری نیشتیمانیی عیراق-دا، کە وێنەیەکی بۆ PUKMEDIA نێردراوە، تێیدا هاتووە:"پاڵپشت بە زانیاری هەواڵگری ورد، بەڕێوەبەرایەتی گشتیی دژەتیرۆر و دەزگای هەواڵگریی نیشتیمانیی عێراق، ئۆپەراسیۆنێکمان ئەنجامدا کە تێیدا داواکراو (عەبدولخالق خەزعەل سوڵتان)مان دەستگیرکرد".

هەر لەراگەیانراوەکەدا ئاماژە بەوەشکراوە:"داواکراوی دەستگیرکراو لە ساڵی 2013 چووەتە ناو گروپی تیرۆرستی دەوڵەتی ئیسلامی ناسراو بە داعش، بەشداری لە چەندین کردەوەی تیرۆرستی دژ بە هێزە ئەمنییەکان لە سەڵاحەدین کردووە ، هەروەها یەکێک بووە لە ئەنجامدەران و تاوانبارانی کوشتارگەی سپایکەر لە ساڵی 2014".

بەپێی زانیارییە هەواڵگرییەکان، دەستگیرکراو بەرپرسی بەناو مەکتەبی عەسکەری ویلایەتی دیجلە بووە و پاشان گواستراوەتەوە بۆ ناو (ویلایەتی نەینەوا)، هاوکات ئۆپەراسیۆنەکە دوای چاودێریکردنی وردی ئامانجەکە ئەنجامدراوە، تیرۆرستی داواکراو لەسەر فەرمانی دادوەر دەستگیرکراوە و پاشان رادەستی یاسا کراوە.

PUKMEDIA