سەرۆک بافڵ: بڕوامان بە لێکتێگەیشتن و کاری پێکەوەیی هەیە

نوسینگەی رۆژنامەوانی سەرۆکی یەکێتی

سەرۆکی یەکێتی و ئەمینداری گشتیی حزبی فەزیلە

بافڵ جەلال تاڵەبانی، سەرۆکی یەکێتیی نیشتمانیی کوردستان لە بەغدا چاویکەوت بە ئەبوکەرار ئەلفرێجی، ئەمینداری گشتیی حزبی فەزیلە.

لەدیدارێکدا کە رەفعەت عەبدوڵا، بڕیاردەری دەستەی کارگێڕی و سەعدی ئەحمەد پیرە و خالید شوانی، ئەندامانی مەکتەبی سیاسی ئامادەبوون، گەشەپێدانی پەیوەندییەکان و فراوانکردنی هەماهەنگییەکان لەپێناو سەرخستنی پرۆسەی سیاسی و زاڵبوون بەسەر کێشەکاندا گفتوگۆی لەبارەوەکرا.

سەرۆک بافڵ جەلال تاڵەبانی ئاماژەی بە سیاسەت و ستراتیژی نەگۆڕی یەکێتی کرد سەبارەت بە پرسە نیشتمانییەکان و رایگەیاند، بڕوای تەواومان بە لێکتێگەیشتن و کاری پێکەوەیی هەیە، سیاسەتی زۆرینە و کەمینە رەتدەکەینەوە و دەمانەوێت هەمووان لەژێر سایەی دەستووردا مافەکانیان پارێزراوبێت.

PUKMEDIA