پرسەنامەی باڵیۆز د.محمد سابیر بۆ كۆچی دوایی دکتۆر شادمان فوئاد مەستی

PUKMEDIA

د.شادمان فوئاد مەستی

باڵیۆز د.محمد سابیر سەرۆکی دامەزراوەی سەرۆک جەلال تاڵەبانی، پرسەنامەیەک ئاراستەی خانەوادەی کۆچکردوو د. شادمان فوئاد مەستی دەکات.

دەقی پرسەنامەکە

بەڕێزان خاتوو خەرامان فوئاد مەستی و پرۆفیسۆر د. نیان نەوشیروان فوئاد مەستی و خاتوو چرا فوئاد مەستی

بەڕێزان خانەوادەی کۆچکردوو (د.شادمان فوئاد مەستی)

هەواڵی کۆچی دوایی کاکە شادمان فوئاد مەستی برای هەریەک لە کۆچکردوان فەریق روکن نەوشیروان فوئاد مەستی و شەهید نەریمان و میران و کامەران فوئاد مەستی؛ لە ناخەوە دڵگرانی کردین.
 د.شادمان فوئاد مەستی جگەلەوەی لە خێزانێکی تێکۆشەری ئەم کوردستانەبووە، لە ژیانی خۆشیدا بیرو باوەڕپتەوبوو بەرامبەر بە خەباتی رەوای گەلی کورد و سەرکەوتنی دۆزی رەوای گەلەکەمان و وەک پێشمەرگەیەکی دێرین رۆڵی لە خاباتی نوێی گەلەکەمان بینی و ئەندامێکی چالاکی نێو ریزەکانی یەکێتیی نیشتمانی بووە، لە رۆژگاری سەختی خەباتدا لە ناوخۆو دەرەوەی وڵات بە ئەندێشەی بیری نوێ لە نێو شۆرشی نوێی گەلەکەماندا رۆڵی نیشتمان پەروەری خۆی گێڕاو بۆ ساتێکیش لەو رێگەیە کۆڵینەدا و مەشخەڵی شۆرشی نوێی گەلەکەمانی درەوشاوەترکرد.
بۆ ئەم کۆچە پرسەو سەرەخۆشی خۆمان؛ لەتەواوی خێزان و خانەوادە تێکۆشەرەکەتان دەکەین و هاوبەشی خەم پەژارەتانین و لەخودای گەورە داوادەکەین کە کۆچکردوو بە بەهەشتی بەرین بسپێرێت و هاوبەشی خەم پەژارەتانین.

انا لله و انا الیه راجعون

باڵیۆز د.محمد سابیر
سەرۆکی دامەزراوەی سەرۆک جەلال تاڵەبانی