ستران عەبدوڵا: بانگەوازی یەکێتی بۆ یەکڕیزییە

PUKMEDIA

دیمانەی ستران عەبدوڵا

ئەندامێکی مەکتەبی سیاسی یەکێتی لە دیدارێکی رۆژنامەوانیدا دەڵێت: "پرۆسەی سیاسی کوردستان پێویستی بەیەکریزی و یەک لیستیە بۆیە یەکێتی و سەرۆکەکەی هەوڵی بۆ دەدەن و نامانەوێت لەهیچ شوێنێک دەنگی کورد بەفیڕۆ بڕوات".

ستران عەبدوڵا ئەندامی مەکتەبی سیاسیی یەکێتی نیشتیمانیی کوردستان لەدیدارێکی رۆژنامەوانیدا لەگەڵ کەناڵی ئاسمانی کەرکوک ڕایگەیاند: "سەرۆک بافڵ لەھەر شوێنێک ئاشتی و پرۆسەی سیاسی کوردستان پێویستی بەیەکریزی و یەک لیستی ھەبێت وەک کەلتوری جەنابی مام جەلال لەوێ دەبێت".

"مەلعەبی سیاسی کەرکوک مەلعەبی یەکێتیی نیشتیمانیی کوردستانە بەبێ موناقەشە، کەرکوک مەلعەبی  خۆمانە و لێی ناترسین، بەڵام بانگەوازی هەموو هێزەکانمان بۆ یەکریزی کوردە"، ستران عەبدوڵڵا وای وت.

دەشڵێت: "بانگەوازی یەکێتیی نیشتیمانیی کوردستان بۆ ئەوەی کە کورد یەک لیست بێت لەکەرکوک و ناوچەدابراوەکان پێش ھەموو شتێک بانگەوازێکی نیشتیمانی و نەتەوەییە، بانگەوازی یەکێتیی بۆ یەک لیستی بۆ ئەوەیە دەنگی کورد بەفیرۆ نەروات".

ستران عەبدوڵڵا ئەوەش دەڵێت: "یەکێتیی نیشتیمانیی کوردستان زۆر لەوە سەربەرزترە خەڵکی لابەلا بێت قسە لەسەر خوێنی شەھیدانی بکات و ھەڵوێستە نیشتیمانییەکانی لەکردار بکات".

PUKMEDIA