باندێكی تەقەكەر و رێگر دەستگیر دەكرێن

PUKMEDIA

لۆگۆی دەزگای ئاسایش

بەڕێوەبەرایەتی ئاسایشی رۆژئاوای سلێمانی، باندێكی پێنج كەسی دەستگیر دەكات، كە كاریان رێگریكردن و تەقەكردن بووە لە هاووڵاتیان.

لە راگەیەندراوێكی دەزگای ئاسایشی هەرێم كە كۆپییەكی بۆ PUKMEDIA نێردراوە راگەیەندراوە: "لەپێناو سەروەری یاسا و فەراهەمكردنی ئاسایش و ئارامی بۆ هاووڵاتیان، لەسەر بڕیاری دادوەری لێكۆڵینەوەی ئاسایش، هێزەكانی ئاسایشی رۆژئاوای سلێمانی توانیان پێنج تۆمەتبار دەستگیربكەن بەناوەكانی، ( م، س، ص ) ، ( ه، ب، ك ) ، ( ج، ح، ح ) ، (س، ە، ر ) ، ( ی، ه، ص ) كە هەستاون بە رێگریكردن و وەرگرتنی سەرانە و تەقەكردن لە هاووڵاتیان، لەناوچەكانی (تەكیەی كاكەمەند و ئاغجەلەر ).

لە راگەیەندراوەكەدا ئەوەش هاتوو: "لە ئێستادا بەفەرمانی دادوەری لێكۆڵینەوە، بە ماددەی 441 لەیاسای سزادانی عیراقی راگیراون و لێكۆڵینەوە لە دۆسییەكانیان بەردەوامە".

PUKMEDIA