دوو تۆمەتباری ساختەكردنی دراو دەستگیر دەكرێن

دەزگای ئاسایشی هەرێم

دوو تۆمەتباری ساختەكردنی دراو دەستگیر دەكرێن

بەڕێوەبەرایەتی ئاسایشی راپەڕین دوو تۆمەتبار دەستگیر دەكات، كە بڕی 15 ملیۆن دیناری ساختەیان پێبووە و بەنیازبوون ساغیبكەنەوە.

لە راگەیەندراوێكی دەزگای ئاسایشی هەرێم كە كۆپییەكی بۆ PUKMEDIA نێردراوە راگەیەندراوە: "دوای چاودێریكردن و بەدەستهێنانی زانیاری و بەدواداچوون، هێزەكانی ئاسایشی راپەڕین لە ناوچەی پشدەر، توانیان دوو تۆمەتبار دەستگیربكەن بەناوەكانی ( س،ش ،م ) و ( و،ع، س )بڕی 15 ملیۆن دیناری عیراقی ساختەیان پێبووە لەجۆری 25 هەزاری".

هەربەگوێرەی راگەیەندراوەكە: "تۆمەتباران بەنیازبوون لەڕێگەی مامەڵەكردن لە بازاڕەكانی هەرێمی كوردستان ساغیبكەنەوە، لەئێستادا بەفەرمانی دادوەری لێكۆڵینەوە و بەماددەی 281 لە یاسای سزادانی عیراقی راگیراون و لێكۆڵینەوە لە دۆسییەكانیان بەردەوامە".

PUKMEDIA