ئاسۆ مامەند: یەكێتی بەیەك تیمی كار بۆ خزمەتكردنی خەڵك دەكات

PUKMEDIA

ئاسۆ مامەند، سەركەوت زەكی، رزگار حاجی حەمە

ئەمڕۆ 2023/7/19 لەهۆڵی كۆبوونەوەكانی مەكتەبی رێكخستن، ئاسۆ مامەند كارگێری مەكتەبی سیاسی و ئامادەبوونی هەریەك سەركەوت زەكی لێپرسراوی مەكتەبی رێكخستن و ستران عەبدوڵڵا لێپرسراوی مەكتەبی راگەیاندن و رزگار حاجی حەمە لێپرسراوی دەزگای هەڵبژاردن و ژمارەیەك لەئەندامانی سەركردایەتی لەگەڵ لێپرسراوی بەشی راگەیاندنی مەڵبەندەكان كۆبووەوە.

 لەسەرەتایی كۆبوونەوەكەدا سەركەوت زەكی باسی لەتەوەری كۆبوونەوەكە كرد، دواتر ئاسۆ مامەند لەوتەیەكدا باسی  لە بارودۆخی ئەمڕۆی كوردستان و دوا هەڵوێستەكانی یەكێتی كرد و تەئكیدی كردەوە یەكێتی لەگەڵ هەموو هەڵبژاردنێكی پاك و بێگەردە و هەمیشە ئامادەیە، دواتر تیشكی خستەسەر هەماهەنگی نێوان ئۆرگانەكانی یەكێتی كە هەموو پێكەوە كاردەكەن بەیەك تیم بۆ ئەوەی سەنگ و پێگەی یەكێتی بەهێزتربكەن تاوەكو بتوانن باشتر خزمەت كۆمەڵان خەڵكی كوردستان بكەن.

سەبارەت  بەهەڵبژاردنەكانی ئەنجومەنی پارێزگاكانی عیراق، كارگێڕی مەكتەبی سیاسی تەئكیدیكردەوە یەكێتی دەخوازێت كورد یەك لیست و یەك هەڵوێستبێت، تابتوانن زۆرترین كورسی مسۆگەربكەین و پێگە و سەنگی كورد بەهێزتربێت لەعیراق و ناوچە دابڕێندراوەكان.

 لەبەشێكی تری كۆبوونەوەكەدا ستران عەبدوڵڵا و رزگار حاجی حەمە سەرنج و تێبینیەكانی خۆیان خستەڕوو و تەئكیدیان لەهەماهەنگی و كاری پێكەوەی بۆ بەهێزتركردنی یەكێتیەكەمان كردەوە.

PUKMEDIA