سەرۆکی یەکێتی پیرۆزبایی سەری ساڵی نوێی کۆچی لە موسڵمانان دەکات

نووسیبگەی رۆژنامەوانی سەرۆکی یەکێتی

پیرۆزباییەکەی سەرۆک بافڵ

بافڵ جەلال تاڵەبانی سەرۆکی یەکێتیی نیشتمانیی کوردستان پیرۆزبایی سەری ساڵی نوێی کۆچی لە موسڵمانان دەکات و راشیدەگەینێت، "هیوادارم ئەم بۆنە پیرۆزە ئاشتی و تەبایی لەگەڵ خۆیدا بهێنێت و هەوێنی قووڵكردنەوەی برایەتی و پێكەوەژیان بێت لە وڵاتەكەمان".

دەقی پەیامەکەی سەرۆک بافڵ

سەری ساڵی نوێی كۆچی لە موسڵمانانی كوردستان، عیراق و جیهان پیرۆزبێت.

هیوادارم ئەم بۆنە پیرۆزە ئاشتی و تەبایی لەگەڵ خۆیدا بهێنێت و هەوێنی قووڵكردنەوەی برایەتی و پێكەوەژیان بێت لە وڵاتەكەمان. هیچ سەقامگیرییەك بەدینایەت ئەگەر هەمووان پێكەوە لەپێناو چەسپاندنی خۆشەویستی و یەكترقبووڵكردن هەوڵ نەدەین و لە بیری توندڕەوی دوور نەكەوینەوە.

لە خوای گەورە داواكارم كوردستانمان بپارێزێت و ئاشتی و ئاوەدانی بخاتە وڵاتەكەمانەوە.

بافڵ جەلال تاڵەبانی
سەرۆکی یەکێتیی نیشتمانیی کوردستان