64 کۆچبەر و 6 قاچاخچی دەستگیردەکرێن

PUKMEDIA

لۆگۆی بەڕێوەبەرایەتی ئۆپراسیۆنەکانی دەزگای ئاسایش

بەڕێوەبەرایەتی ئۆپراسیۆنەکانی دەزگای ئاسایش 64 هاووڵاتی بیانی و 6 قاچاخچی دەستگیردەکات کە بە رێگای نایاسایی سنورەکانی هەرێمی کوردستانیان بەزاندووە.

لە راگەیەندراوێکی دەزگای ئاسایشدا کە کە وێنەیەکی بۆ سایتی رەسمی یەکێتیی نیشتمانیی کوردستان PUKMEDIA نێردراوە دەڵێت: "دوای بەدەستهێنانی زانیاری و چاودێریکردن، بە فەرمانی دادوەری لێکۆڵینەوەی ئاسایش، هێزەکانی ئۆپراسیۆنی دەزگای ئاسایش ٢٠٢٣/٧/١٦، توانیان (٦٤) هاووڵاتی بیانی و شەش قاچاخچی و رێبەر دەستگیربکەن و دەستبگرن بەسەر ئۆتۆمبێلەکانیان.

لە راگەیەندراوەکەشدا هاتووە: "تۆمەتباران دەیانویست لە رێگای نایاساییەوە سنورەکان ببەزێنن و کەسانی بیانی بهێننە ناو خاکی هەرێمی کوردستان لە پێناو بڕێک پارەدا، هەروەها لە ئێستادا بەفەرمانی دادوەری لێکۆڵینەوە، سەرجەمیان راگیراون و لێکۆڵینەوە لە دۆسیەکانیان بەردەوامە.
PUKMEDIA