كۆسرەت رەسوڵ: خاتوو سەبیحە لە شاخ و شار خەباتی دەكرد

PUKMEDIA

سەركردە جەبار فەرمان، خاتوو هێرۆ ئیبراهیم ئەحمەد، سەرۆك مام جەلال، خاتوو سەبیحە شێر محەمەد

بۆ كۆچی دوایی خاتوو  سەبیحە شیر محەمەد هاوسەری سەركردەی كۆچكردوو كاك جەبار فەرمان، كۆسرەت رەسوڵ عەلی سەرۆكی ئەنجومەنی باڵای سیاسی و بەرژەوەندی یەكێتی پرسەنامەیەك ئاڕاستەی كەسوكار و بنەماڵەی كۆچكردوو دەكات كە ئەمە دەقەكەیەتی:

بەڕێز: خاتوو بڵێسە جەبار فەرمان
بەڕێزان: خانەوادە و كەسوكاری خاتوو سەبیحە شێر محەمەد

بەداخێكی زۆرەوە هەواڵی كۆچی دوایی ژنە تێكۆشەری شاخ و خێزانی سەركردەو فەرماندەی تێكۆشەر كاك جەبار فەرمان خاتوو سەبیحە شێر محەمەد-ی دایكی بەڕێزتانم بیست، دڵگران و خەمباری كردم.

خاتوو سەبیحە ژنێكی تێكۆشەر و قارەمان، هیلاك و ماندوو و كۆڵنەدەر بوو، هاوشانی كاك جەبار فەرمانی سەركردە لە رۆژانی سەختی خەبات لە شاخ و شار خەباتی دەكرد لەپێناو میللەتەكەمان، ژنێكی میهرەبان و خانەدان بوو، خزمەتی پێشمەرگەی دەكرد و سەربەرزانە منداڵەكانی بە رۆحی كوردایەتی پەروەردە كرد.

بەداخەوە بۆ لەدەستدانی ئەم ژنە تێكۆشەرو قارەمانە، دەزانم لەدەستدانی دایك قوڕسەو ئازاری زۆرە، بەڵام دەبێ بەهێزبن و وەك دایك و باوكتان قارەمان و كۆڵنەدەر بن، بۆ ئەم كۆستە گەورەیە هاوبەشی خەمتانم، پرسەو سەرەخۆشی و هاوخەمی خۆمتان ئاڕاستە دەكەم، هیواخوازم ئەمە دواكۆست و ناخۆشی هەموو لایەك بێت، خوای گەورە سەبووری هەموو لایەك بدات و كۆچكردوو جێگای بەهەشتی بەرین بێت.


كۆسرەت رەسوڵ عەلی
سەرۆكی ئەنجومەنی باڵای سیاسی و بەرژەوەندی
یەكێتیی نیشتمانیی كوردستان


PUKMEDIA