سەرۆك بافڵ: خاتوو سەبیحە نموونەی هەڵوێست و خۆڕاگری بوو

PUKMEDIA

خاتوو سەبیحە شێر محەمەد

بۆ كۆچی دوایی خاتوو سەبیحە شێر محەمەد هاوسەری سەركردەی كۆچكردوو كاك جەبار فەرمان، بافڵ جەلال تاڵەبانی سەرۆكی یەكێتیی نیشتمانیی كوردستان پرسەنامەیەك ئاڕاستەی كەسوكار و بنەماڵەی كۆچكردوو دەكات كە ئەمە دەقەكەیەتی:

كۆچی دوایی خاتوو سەبیحە شێر محەمەد ژنە تێكۆشەری شاخ، هاوسەری سەركردەی كۆچكردوو كاك جەبار فەرمان و دایكی هەڤاڵ بڵێسە جەبار فەرمان، ئەندامی ئەنجوومەنی سەركردایەتی لە دڵەوە نیگەرانی كردین.

خاتوو سەبیحە ژنێكی قارەمان و هاوخەباتی كاك جەبار فەرمان بوو، لەهەموو قۆناغە سەختەكانی خەباتدا، نموونەی هەڵوێست و خۆڕاگری بوو.

بۆ ئەم خەمە گەورەیە پرسە و هاوخەمی قووڵی خۆمان ئاڕاستەی كەسوكار و بنەماڵە سەربەرزەكەی دەكەم. لەخوای گەورە داواكارم كۆچكردوو بە بەهەشتی بەرین شاد بكات و سەبووری بەهەموولایەك ببەخشێت.

دڵسۆزتان
بافڵ جەلال تاڵەبانی
سەرۆكی یەكێتیی نیشتمانیی كوردستان

PUKMEDIA