باندێک بە دینارو دۆلاری ساختەوە دەستگیر دەکرێت

پەڕەی بەڕێوەبەرایەتی ئاسایشی گشتی سلێمانی لە فەیسبوک

باندە دەستگیرکراوەکە

دەزگای ئاسایشی هەرێم دەستگیرکردنی باندێکی ساغکردنەوەی دراوی ساختە ڕادەگەیەنێت و دینارو دۆلاری ساختەیان پێبووە.

بەگوێرەی راگەیەندراوێکی دەزگای ئاسایشی هەرێمی کوردستان کە وێنەیەکی بۆ PUKMEDIA نێردراوە ئاشکرایدەکات کە ئاسایشی پارێزگای سلێمانی، بەهاوکاری ئاسایشی شارەزوور، باندێکی سێ کەسییان دەستگیرکردوە کە یەکێکیان ژنە.

"باندەکە لەسلێمانی و هەڵەبجە لە رۆژی ٢٠٢٣/٧/٧ دەستگیکراون و دەستیش گیراوە بەسەر ( ٣٨٠٠ ) دۆلاری ساختە لە جۆری پەنجا دۆلاریی، ( ١٠٠،٠٠٠ ) دینار چاپی عیراقی لەجۆری بیست و پێنج هەزار دیناری"، راگەیەندراوەکەی دەزگای ئاسایشی هەرێم وادەڵێت.

بەپێی راگەندراوەکە: "تۆمەتباران بە ماددەی ( ٢٨١ ) لەیاسای سزادان، راگیراون و لێکۆڵینەوە لە دۆسیەکەیان بەردەوامە".
PUKMEDIA