سەرۆک کۆمار: ئارامی کەرکوک بخەنە پێش هەموو کارێکەوە

نوسینگەی رۆژنامەوانی سەرۆک کۆمار

د. لەتیف رەشید سەرۆک کۆماری عیراق

ئەمڕۆ یەک شەممە ٩ـی حوزەیرانی ٢٠٢٣  د. لەتیف رەشید سەرۆک کۆماری عیراق لە کۆشکی سەلام لە شاری بەغدا، پێشوازی لە فەهمی بورهان سەرۆکی دەستەی گشتی ناوچە کوردستانییەکانی دەرەوەی ئیدارەی هەرێم و نوێنەری جوتیارانی کورد و تورکمانی کەرکوک کرد.

لە دیداری نێوانیاندا لەگەڵ سەرۆکی دەستە و نوێنەری جوتیارانی کورد و تورکمانەکانی کەرکوک، د. لەتیف ڕەشید گوێی بۆ خواست و داواکارییەکانی نوێنەری جوتیاران گرت و لە نزیکەوە بەدواداچوونی بۆ کێشەکانیان کرد.

هەر لە دیدارەکەدا سەرۆک کۆمار داوای لێکردن ئارامی کەرکوک و ناوچەکە بخەنە پێش هەموو کارێکەوە و دڵنیاشی کردنەوە بە پێی دەستور و مادەی ١٤٠ کاردەکەن بۆ چارەسەری گرفتەکەیان.

PUKMEDIA