ئاسایش گەوڕێکی ئاژەڵ ئاشکرا دەکات کەخۆراکی مرۆڤی تێدا هەڵگیراوە

PUKMEDIA

دەزگای ئاسایش

ئاسایشی شارەزوور  کۆگایەکی هەڵگرتنی خۆراک لە شوێنی بەخێوکردنی ئاژەڵدا ئاشکرا دەکات، بڕێکی زۆر خۆراکی ماوەبەسەرچوو دەستی بەسەردا گیرا.

ئاسایشی شارەزوور لە راگەندراوێکدا کە وێنەیەکی بۆ سایتی رەسمی یەکێتیی نیشتمانیی کوردستان PUKMEDIA نێردراوە دەڵێت:" هێزەکانمان توانیان ڕێگری بکەن لە ساغکردنەوەی بڕێکی زۆر لە خۆراکی ماوە بەسەرچوو". .

  ئاسایش رۆژی  ٢٠٢٣/٧/٦  دەستیگرت بەسەر زیاتر لە (سێ)تۆن خۆراکی (برنج، ڕۆن، شەکر، دۆشاو).

بەگوێرەی راگەیەندراوە کە ئەو خۆراکانە بەشێوەیەکی نەشیاو لە شوێنی بەخێوکردنی ئاژەڵ( گەوڕ )دا عەمبار کرابوون ،تۆمەتبارێکیش بەناوی ( م، ف، ص )دەستگیربکرێت، کەبەنیازی ساغکردنەوەی بووە لە بازاڕدا".

ئەو تۆمەتبارە بەماددەی (٢٤٠)لەیاسای سزادانی عێراقی ڕاگیراوە و لێکۆڵینەوە لە دۆسیەکەی بەردەوامە.
PUKMEDIA