تیرۆریستێک لە چەمچەماڵ دەستگیر دەکرێت

PUKMEDIA

دەزگای ئاسایش

تیرۆریستێکی داواکراو لە نزیک قەزای چەمچەماڵ دەستگیردەکرێت کە خۆی حەشاردابوو.

بەگوێرەی ڕاگەیەندراوێکی دەزگای ئاسایشی هەرێم کە وێنەیەکی بۆ سایتی رەسمی یەکێتیی نیشتمانیی کوردستان PUKMEDIA نێردراوە ئاشکرایدەکات کە بەڕێوەبەرایەتی ئۆپراسیۆنەکانی دەزگای ئاسایشی هەرێم، دەتگیرکردنەکە دوای دەستکەوتنی زانیاری هەواڵگری لەلایەن دەزگای دژەتیرۆری حکومەتی عێراقی، لەسەر داواکراوێک بە ماددەی ٤ی تیرۆر کە داواکراوە لە دادگاکانی عێراق و بەمەبەستی خۆحەشاردان ڕووی لە هەرێمی کوردستان کردووە".

"لەسەر فەرمانی دادوەری لێکۆڵینەوەی ئاسایش، هێزەکانی بەڕێوەبەرایەتی ئۆپراسیۆنەکانی دەزگای ئاسایش،رۆژی ٢٠٢٣/٧/٧ لە سنوری قەزای چەمچەماڵ،بە هاوکاری هێزەکانی ئاسایشی ڕۆژئاوای سلێمانی، لە ئۆپۆزسیۆنێکدا تیرۆریستەکەیان دەستگیرکرد" لەڕاگەیەندراوەکەی ئاسایشدا هاتووە.

PUKMEDIA