لێپرسراوی رێكخراوی پەیامنێران: پێشێلكارییەكانی دهۆك و هەولێر زۆر زیاترن
چاوپێکەوتن 11:53 AM - 2023-07-06هۆزان قادر لێپرسراوی رێكخراوی پەیامنێران
هۆزان قادر لێپرسراوی رێكخراوی پەیامنێران لە چاوپێكەوتنێكدا لەگەڵ PUKMEDIA جەختی لەڕاستی و دروستی ئاماری پێشێلكارییەكانی رۆژنامەنوسان لەهەرێمی كوردستان كردەوەو رایگەیاند: "رێكخراوەكەمان مۆڵەتی رەسمی هەیەو حكومەت موڵەتی پێداوە، بۆیە هیچ كەس و لایەنێك مافی ئەوەی نییە ئەو ئامارو داتایانەی بڵاومان كردووەتەوە رەتبكاتەوە، چونكە هەموو ئامارەكان بە دیكۆمێنت لامان پارێزراون، تەنانەت لەگەڵ ئەوەی زۆرترین پێشێلكاری لەدهۆك كراوە، بەڵام هێشتا زۆری دیكەش هەن بەهۆكاری ئەوەی بۆمان پێشتڕاست نەكراونەتەوە لە راپۆرتەكەدا نین".
لێپرسراوی رێكخراوی پەیامنێران دەشڵێت: "راپۆرتەكەمان ئاڕاستەی سەرجەم باڵیۆز و كونسوڵی وڵاتان لە عیراق و هەرێمی كوردستان كردووە، ئەمە جگە لەوەی كە رێكخراوە نێودەوڵەتییەكانیش هاوڕان لەسەر ئەو پێشێلكاریانەی كە هەن، بەتایبەت لە هەولێر و دهۆك".
دەقی چاوپێكەوتنەكە:
"ئامارەكان تەواو دروستن"
* لە راپۆرتی ئامارەكانی پێشێلكاری بەرامبەر بە رۆژنامەنوسان لە هەولێر و دهۆك پشتتان بە راپۆرتە نێودەوڵەتییەكان بەستووە؟ یاخود مەیدانیانە پشتتان بە داتا و توێژینەوەی رێكخراوەكەتان بەستووە؟
- هەرچەندە رێكخراوە نێودەوڵەتییەكانیش هاوڕان لەسەر ئەو پێشێلكاریانەی كە بەرامبەر بە رۆژنامەنوسان بەتایبەت لە هەولێر و دهۆك دەكرێن، بەڵام ئەو پێشێلكاریانەی لەراپۆرتەكەماندا خستوماننەتەڕوو راست و دروستن و پشتمان بە زانیاری دەستكەوتووی خۆمان بەستووە.
* دەوترێت ئامارەكانی پێشێلكاری لەوە زیاترن كە لە راپۆرتی رێكخراوی پەیامنێراندا بڵاوكراونەتەوە بەتایبەت لە هەولێر و دهۆك، ئایا راستە؟
-بێگومان پێشێلكاری زیاتر بەرامبەر بە رۆژنامەنوسان و میدیاكاران كراوە، بەڵام بەهۆی ئەوەی چەندین جار داوای ئاماری پێشێلكاریمان لە لایەنە پەیوەندیدارەكانی دهۆك كردووە و وەڵامیان نەداوینەتەوە ناتوانین بڵاویبكەینەوە كە پێشێلكاری لە چ ئاستێكدایە هەرچەندە لەلای ئێمە ئاشكرایە، لەگەڵ ئەوەشدا مەبەستی وەرگرتنی ئامارێكی روون داوامان لە دوو دەزگای ئۆپۆزسیۆن لە دهۆك و دوو رۆژنامەنوسی ئۆپۆزسیۆن لە هەولێر كردووە، بەڵام تا ئێستا وەڵامیان نەداوینەتەوە.
سەندیكای رۆژنامەنوسان مافی نیيە
* نەقیبی سەندیكای رۆژنامەنوسانی كوردستان ئاماری پێشێلكاری رێكخراوی پەیامنێران رەتدەكاتەوە سەرنجتان لەوبارەیەوە چییە؟
- رێكخراوەكەمان سەر بە سەندیكا نییە تاوەكو ئامارەكانمان رەتبكاتەوە، سەندیكای رۆژنامەنووسان سەر بەحكومەتە، كاری ئەو نییە راپۆرتمان رەتبكاتەوە، چونكە ئێمە رێكخراوێكی ناحكومین (NGO) ین و سەرجەم ئامارەكانیش بە دیكۆمێنت لامان پارێزراون".
* دیندار زێباری-یش رێكخەری راسپاردە نێودەوڵەتییەكانیش ئاماری پێشێلكاری رێكخراوی پەیامنێران رەتدەكاتەوە، بۆچی؟
-ئەگەر ئامارەكانمان راست و دروست نین یاخود یاسایی نین، ئەوا دەتوانن لە دادگا سكاڵا تۆمار بكەن و هەر لە رێی دادگاشەوە بابەتەكە یەكلایی بكەنەوە، پاشان رێكخراوەكەمان رەسمییە و بەپێی رێنماییەكانی ئەنجومەنی وەزیران مۆڵەتمان لە رێكخراوە ناحكومییەكان وەرگرتووە، هەربەپێی ئەوەش مافی كاركردنمان لە هەرێمی كوردستان و بڵاوكردنەوەی راپۆرت لەبارەی دۆخی رۆژنامەنوسانەوە هەیە، بۆیە رێكخەری راسپاردە نێودەوڵەتییەكان-یش جارێكی دیكە بۆی نییە ئامارەكانمان رەتبكاتەوە، ئەمە جگە لەئەوەی رێكخراوی پەیامنێران لەلای كونسوڵ و نوێنەری وڵاتان باوەڕپێكراوە و چەندین دیدار و چاوپێكەوتمان لەگەڵیاندا هەبووە، راپۆرتەكەشمان ئاڕاستەی سەرجەم باڵیۆز و كونسوڵی وڵاتان لە عیراق و هەرێمی كوردستان كردووە، بۆیە گرنگ نییە بەلامانەوە كە هەرێمی كوردستان راپۆرتەكەمان رەتبكاتەوە یاخود نا، بەڵكو ئەوەی گرنگە نوێنەر و كونسوڵی وڵاتان و رایگشتییە.
رێكخراوی پەیامنێران بۆ ماف و گەشەپێدان، رێكخراوێكی رەسمییە و بەپێی رێنماییەكانی ئەنجومەنی وەزیران مۆڵەتی لە رێكخراوە ناحكومییەكان وەرگرتووە، لە چەند رۆژی رابردووشدا راپۆرتی پێشێلكارییەكانی بەرامبەر بە رۆژنامەنوسان بڵاوكردەوە و كۆپییەك لە راپۆرتەكەشی ئاڕاستەی باڵیۆز و كونسوڵ و رێكخراوە نێودەوڵەتییەكانی لە عیراق و هەرێم كرد.
دەقی راپۆرتەكە لەم لینكەدایە ...
PUKMEDIA
هەواڵی زیاتر
-
باڵیۆزی یهكێتیی ئهوروپا: زیاتر هاوکاری عیراق و هەرێم دەبین
04:34 PM - 2024-04-27 -
هێرشە درۆنیەكەی كۆرمۆر كاردانەوەی نێودەوڵەتی لێدەكەوێتەوە
10:11 AM - 2024-04-27 -
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
07:59 PM - 2024-04-26 -
داهاتی یەک هەفتەی سلێمانی زیاتر لە 20 ملیارە
09:29 AM - 2024-04-26
ئەمانەش ببینە
وەزارەتی دەرەوەی ئیمارات: پەلامارەكەی كۆرمۆر تیرۆریستی و پێشێلكاری نێودەوڵەتییە
05:44 PM - 2024-04-27
قائیمقامی چەمچەماڵ: دوو وەفدی هەرێم و عیراق سەردانی کۆرمۆر دەکەن
11:17 AM - 2024-04-27
داوای لێکۆڵینەوەی بەپەلە لە هێرشە درۆنییەکەی کۆرمۆر دەکرێت
09:51 PM - 2024-04-26
قوباد تاڵەبانی: لێکۆڵینەوەی ورد لەو هێرشە درۆنییەی کۆرمۆر بکرێت
08:58 PM - 2024-04-26
زۆرترین خوێنراو
-
سەرۆكکۆمار: عیراق وڵاتی هەمووانە
عیراق 07:22 PM - 2024-04-27 -
شاجوانەکەی خانەقی
بیروڕا 06:22 PM - 2024-04-27 -
چاوێکیشتان لە زۆرینەی فەقیر و فوقەرا بێت
بیروڕا 06:20 PM - 2024-04-27 -
یەمەن ناوی کوژراو و بریندارەکانی کێڵگەی کۆرمۆر ئاشکرا دەکات
جیهان 06:17 PM - 2024-04-27 -
وەزارەتی دەرەوەی ئیمارات: پەلامارەكەی كۆرمۆر تیرۆریستی و پێشێلكاری نێودەوڵەتییە
جیهان 05:44 PM - 2024-04-27 -
باڵیۆزی یهكێتیی ئهوروپا: زیاتر هاوکاری عیراق و هەرێم دەبین
جیهان 04:34 PM - 2024-04-27 -
قائیمقامی چەمچەماڵ: دوو وەفدی هەرێم و عیراق سەردانی کۆرمۆر دەکەن
کوردستان 11:17 AM - 2024-04-27 -
هێرشە درۆنیەكەی كۆرمۆر كاردانەوەی نێودەوڵەتی لێدەكەوێتەوە
کوردستان 10:11 AM - 2024-04-27