یەكێتی رێگری لە بە سەربازگەبوونی كەركوك دەكات
کوردستان 06:29 PM - 2023-07-05كەركوك
یەكێتیی نیشتمانیی كوردستان رێگری لە هەر كارێكی نایاسایی دەكات كە لە كەركوك ئەنجامبدرێت، جێگری سەرپەرشتیاری كەركوك-سەلاحەدینی یەكێتیش دەڵێت: "بەردەوام پشتیوانی پێكەوەژیانین لە شارەكە و رێگا نادەین ئارامی كەركوك تێكبدرێت".
سیروان كوێخا نەجم جێگری سەرپەرشتیاری كەركوك-سەلاحەدینی یەكێتیی نیشتمانیی كوردستان لە لێدوانێكیدا بۆ سایتی رەسمی یەكێتی PUKMEDIA رایگەیاند: "هێزەكانی حەشدی شەعبی بەردەوام هەوڵی داگیركردنی زەوی و زاری جوتیارانی كورد و توركمان دەدەن، لەو چوارچێوەیەشدا هەوڵیاندا پارچە زەوییەكی 60 دۆنمی لە گەڕەكی شۆراو لە كەركوك كە گەڕەكێكی كورد نشینە داگیربكەن و بیكەنە سەربازگە، بەڵام رێگریمان لێكرد و ئەو هەوڵەمان شكستپێهێنا".
"یەكێتیی نیشتمانیی كوردستان بەردەوام پشتیوانی پێكەوەژیانی لە كەركوك كردووە و رێگریشی لە هەموو هەوڵێكی تەعریب كردن كردووە و هەرگیز كەركوكی جێنەهێشتووە، بۆیە یەكێتی خۆی بەخاوەنی كەركوك دەزانێت و رێگری لە هەر دەستێوەردانێكی نایاسایی دەكات كە ببێتە هۆی تێكدانی ئارامی لە شارەكە" سیروان كوێخا نەجم وادەڵێت.
یەكێتی بە توندی لە دژی بەسەربازگەكردنی كەركوك وەستایەوە
هەر لەو چوارچێوەیەشدا فراكسیۆنی یەكێتیی نیشتمانیی كوردستان لە ئەنجومەنی نوێنەرانی عیراق لە راگەیەندراوێكدا كە كۆپییەكی بۆ PUKMEDIA نێردراوە ئاماژە بەوە دەكەن: "ناكرێت زەوییەك كە موڵكی گشتییە و بۆ پڕۆژەی خزمەتگوزاری تەرخانكراوە بكرێتە سەربازگە لە كاتێكدا بوونی سەربازگە لەنێو شاردا رێگاپێدراو نییە، هەر بۆیە بە توندی دژی دەوەستینەوە".
لە راگەیەندراوەكەشدا هاتووە: "ئاگاداری لێپرسراوانی شارەكە و حكومەتی عیراقمان كردووەتەوە، هاوكات هۆشداری دەدەینە هەموو لایەك كە ئەگەر ئەم زیادەڕۆییە رانەگیرێت هەڵوێستی جددیترمان دەبێت".
یەكێتیی نیشتمانیی كوردستان بەخوێن هەوڵی چەسپاندنی ئاسایش و ئارامی لە كەركوك داوە و رێگاش بە تێكدانی ئەو ئارامییە نادات هاوكات هەموو پیلانێك دژی شارەكە پوچەڵدەكاتەوە، بۆ ئەو مەبەستەش رۆژی 4-7-2023، رێگری لە بەسەربازگەبوونی كەركوك كرد و رێگای نەدا حەشدی شەعبی سەربازگە لە ناو گەڕەكی شۆراو دروستبكەن.
PUKMEDIA
هەواڵی زیاتر
-
بازرگانێکی نێودەوڵەتی ماددەی هۆشبەر دەستگیردەکرێت
09:06 PM - 2024-05-04 -
سالار مەحمود: پەرلەمان بووەتە قوربانی ململانێی نا سیاسی
09:38 PM - 2024-05-03 -
قوباد تاڵەبانی: گیانلەدەستدانی چەند ئەندامێکی گروپێکی شاخەوانی هەموومانی دڵگران کرد
07:12 PM - 2024-05-03 -
شاڵاو کۆسرەت رەسوڵ: لەخزمەتی خانەوادەی شەهیداندا دەبین
06:29 PM - 2024-05-03
ئەمانەش ببینە
سەرۆک بافڵ دەچێتە ئەمریکا
05:24 PM - 2024-05-04
قوباد تاڵەبانی بۆ وەفدێکی سێناتی ئەمریکا: دواخستنی هەڵبژاردن زیانە بۆ هەرێم
04:03 PM - 2024-05-04
کۆمسیۆن لە 90٪ی ئامادەکارییەکانی هەڵبژاردن تەواودەکات
10:53 AM - 2024-05-04
سەرۆک بافڵ: هەوڵەكانمان لەپێناو پاراستنی ژیانی خەڵك و سەقامگیریی وڵاتدا بەردەوام دەبێت
05:23 PM - 2024-05-03
زۆرترین خوێنراو
-
بازرگانێکی نێودەوڵەتی ماددەی هۆشبەر دەستگیردەکرێت
کوردستان 09:06 PM - 2024-05-04 -
وەفدێکی یەکێتی گرێبەستی کشتوکاڵی و وەبەرهێنان لە دوبەی ئیمزا دەکات
کوردستان 07:34 PM - 2024-05-04 -
شاڵاو کۆسرەت رەسوڵ بەشداری لە ژمارەیەک پرسە دەکات
پرسەنامە 06:34 PM - 2024-05-04 -
سەرۆک بافڵ دەچێتە ئەمریکا
کوردستان 05:24 PM - 2024-05-04 -
هاوخەمی کۆسرەت رەسوڵ بۆ بنەماڵەی مامۆستا جەلال
پرسەنامە 04:13 PM - 2024-05-04 -
قوباد تاڵەبانی بۆ وەفدێکی سێناتی ئەمریکا: دواخستنی هەڵبژاردن زیانە بۆ هەرێم
کوردستان 04:03 PM - 2024-05-04 -
کۆمسیۆن لە 90٪ی ئامادەکارییەکانی هەڵبژاردن تەواودەکات
کوردستان 10:53 AM - 2024-05-04