پرسەنامەی قوباد تاڵەبانی بۆ کۆچیدوایی خاتوو زیبا

PUKMEDIA

پرسەنامە

سەرپەرشتیاری مەکتەبی سکرتارییەتی سەرۆک مام جەلال پرسەنامەیەک ئاڕاستەی خانەوادەی شەهیدی سەرکردە جەعفەر عەبدولواحید دەکات بۆ کۆچی دوایی خاتوو زیبای خوشکی.

دەقی پرسەنامەکە.....

بەڕێزان خێزان و خانەوادەی کۆچکردوو خاتوو زێبا عەبدولواحید

بەداخ و پەژارەیەکی زۆرەوە هەواڵى کۆچی دوایی خاتوو (زێبا عەبدولواحید) خوشکی شەهیدی سەرکردە (جەعفەر عەبدولواحید)م بیست.

خاتوو زێبای کۆچکردوو، خوشکێکی گەورە و ئازیزمان و  لەبنەماڵەیەکی تێکۆشەر بوو، خوشکی شەهید جەعفەر عەبدولواحید گەشمەردەی نەمری یەکێتی و نموونەی خۆڕاگریی و هەڵوێستبەرزیی بوو کەگیانی پاکی بەخت کرد و شکۆمەندی بۆ گەلەکەمان و یەکێتی تۆمارکرد. 

بەم بۆنە غەمناکەوە پرسەو سەرەخۆشی ئاڕاستەی کەسوکار و بنەماڵە نیشتمانپەروەرەکەتان دەکەم و هاوبەشی خەم و پەژارەتانم. 

خواى گەورە لەکۆچکردوو خۆش بێت و جێگاى بەهەشت بێت، سەبورى و دڵنەواییش بەهەموو لایەک ببەخشێت. 

انا لله و انا الیه راجعون 

قوباد تاڵەبانی
سەرپەرشتیاری مەکتەبی سکرتارییەتی سەرۆک مام جەلال

PUKMEDIA