نزیکەی ٧٠٠ هەزار گەشتیار سەردانی ناوچە گەشتیارییەکانی هەرێم دەکەن

PUKMEDIA

سەیرانگای ئەحمەد ئاوا

لەپشووەکانی رۆژانی جەژندا رێژەیەکی بەرچاو لەگەشتیاران روو لەناوچە گەشتیارییەکانی هەرێم دەکەن، سەرۆکی دەستەی گەشتوگوزای هەرێم _یش دەڵێت:" لەپشووەکانی رۆژانی جەژندا نزیکەی ٧٠٠ هەزار گەشتیار و سەردانیکار  سەردانی ناوچە گەشتیارییەکانی هەرێم_یان کردووە".

ئەمەل جەلال سەرۆکی دەستەی گەشتوگوزای هەرێم  بە سایتی رەسمی یەکێتیی نیشتمانیی کوردستان PUKMEDIA ی راگەیاند:" لەپشووەکانی رۆژانی جەژندا ٦٨٩ هەزار و ٨٨٩ کەدەکاتە نزیکەی ٧٠٠ هەزار، گەشتیار و سەردانیکار روویان کردووەتە ناوچە گەشتیارییەکانی هەرێمی کوردستان".

" وەک دەستەی گەشتوگوزار بە هەماهەنگی لەگەڵ لایەنە پەیوەندیدارەکانی هەرێم و کەرتی تایبەت هەموو هەوڵەکانی خۆمان خستەگەڕ و ئامادەکاری تەواومان کرد، بۆ پێشوازیکردن لە گەشتیاران بە شێوەیەکی شارستانیانە "، ئەمەل جەلال وایوت.

PUKMEDIA