دوو تیرۆریست دەستگیردەکرێن

PUKMEDIA

دەزگای ئاسایش

دەزگای ئاسایشی هەرێم دەستگیرکردنی (دوو) تیرۆریستی داواکراو ڕادەگەیەنێت، کەبەمەبەستی خۆحەشاردان ڕوویان لەهەرێمی کوردستان کردووە.

دەزگای ئاسایشی هەرێم لە ڕاگەیەندراوێکدا کە کۆپیەکی بۆ PUKMEDIA نێردراوە ڕایگەیاندوە: "بەڕێوەبەرایەتی ئۆپراسیۆنەکانی دەزگای ئاسایشی هەرێم، دوو تیرۆریستی (داعش)ی دەستگیرکرد".

ئاماژە بەوەش کراوە: "لەسەر بنەمای زانیاری هەواڵگری و بەدواداچوونی وورد، دوای بەدەستگەیشتنی زانیاری لە دەزگا ئەمنیەکانی حکومەتی عێراقەوە لەسەر دوو تیرۆریستی لەیاسا هەڵهاتوو، کە داواکراون بە ماددەی (٤)ی تیرۆر و بەمەبەستی خۆحەشاردان ڕویانکردۆتە هەرێمی کوردستان".

دوای چاودێریکردن و دەستنیشانکردنی شوێنی مانەوەیان، هێزەکانی بەڕێوەبەرایەتی ئۆپراسیۆنەکانی دەزگای ئاسایش، بە پلانێکی تۆکمە و سەرکەوتوو، بەهاوکاری بەڕێوەبەرایەتی ئاسایشی گەرمیان، توانیان لە شەوی ٢٠٢٣/٧/٢ هەردوو تۆمەتباری داواکراو بەناوەکانی ( ع، ف، م ) و ( ع، ع، ف ) دەستگیربکرێن و دوای تەواوبونی ڕێکارە یاساییەکان و بەپێی تایبەتمەندی دۆسیەکەیان، ڕادەستی دەسەڵاتی دادوەری عێراقی دەکرێنەوە.

PUKMEDIA