هاوخەمی د . خەسرەو گوڵ بۆ خانەوادەی تێكۆشەر سەڵاح جان

PUKMEDIA

پرسەنامە

بۆ كۆچی دوایی سەڵاح جان ئەندامی ئەنجومەنی راوێژكاری مەكتەبی راگەیاندن، د . خەسرەو گوڵ كارگێڕی مەكتەبی سیاسی یەكێتی پرسەنامەیەك ئاڕاستەی كەسوكارو خانەوادەی كۆچكردوو دەكات كە ئەمە دەقەكەیەتی:

بەڕێزان كەسوكارو خانەوادەی سەربەرزی كاك سەڵاح جان

بەداخ و پەژارەیەكی زۆرەوە ، هەواڵی كۆچی دوایی هەڤاڵی ئازیزو كۆڵنەدەرمان كاك ( سەڵاح جان )  تێكۆشەرو رێكخستنی دێرین و یەكێك لە جوامێرەكانی هەڵۆی سور  و ئەندامی ئەنجومەنی راوێژكاری مەكتەبی راگەیاندنمان پێگەیشت .

بۆ ئەم كۆستە پرسەو سەرەخۆشی ئاراستەی ئێوەو كەسوكارە تێكۆشەرەكەتان دەكەم كە نموونەیەكی هەرەباڵان لەخەبات و قوربانی دان .

كاك سەڵاح جان كەسایەتییەكی دیاری كوردایەتی و كوردانی فەیلی بوو ، كە بەهۆی كوردبوونی و بەشداری لە شۆڕشی نوێ و خەباتی گەلەكەمان تووشی گرتن و دەربەدەری و ئاوارەیی زۆر بووەو بەڵام قەت رۆژێك لەرۆژان لە هەڤاڵەكانی دانەبڕاو وەك قارەمانێكی زیندان بە پێوەمایەوە و خۆشەویستی هەموومان بوو .

ژیانئاوایی هەڤاڵێكی دێرینمان و سەرڕاستی وەك كاك سەڵاح جان لە ناخەوە نیگەرانیكردم ، یەزدانی مەزن بۆ هەمیشە رۆحی شادبكات سەبووری و دڵئارامیش بە هەمووان ببەخشیت .


د . خەسرەو گوڵ
كارگێڕی مەكتەبی سیاسی یەكێتیی نیشتمانیی كوردستان

PUKMEDIA