پرسەنامەی مەکتەبی سیاسی بۆ خانەوادەی مام وریا شوانی

PUKMEDIA

مام وریا شوانی

مەکتەبی سیاسی یەکێتیی نیشتمانیی کوردستان، پرسەنامەیەک ئاڕاستەی خانەوادەی مام وریا شوانی دەکات.

دەقی پرسەنامەکە

بەڕێز خانەوادەی مام وریا شوانی

بەخەم و پەژارەیەکی قووڵەوە هەواڵی کۆچی دوایی مام وریا شوانیمان پێگەیشت.

کۆچکردوو، کەسایەتییەکی دیارو تێکۆشەرێکی دێرین و یەکێک بوو لە پێشمەرگەکانی باڵی مەکتەبی سیاسی کە پاش تەمەنێکی پڕ لە خەبات و خزمەتکردنی گەلەکەمان ماڵئاوایی لێکردین.

‎بۆ  ئەم خەمە گەورەیە پرسە و هاوخەمی قووڵی خۆمان ئاڕاستەی بنەماڵە تێکۆشەرەکەتان دەکەین، لەخوای گەورە داواکارین کۆچکردوو بە بەهەشتی بەرین شاد بكات و سەبووری بەهەموولایەك ببەخشێت


مەکتەبی سیاسی
یەکێتیی نیشتمانیی کوردستان