سەرۆککۆماری عیراق: سوتاندنی قورئان لێدانە لە ئازادی

PUKMEDIA

د. له‌تیف ره‌شید سه‌رۆك كۆماری عیراق

سه‌رۆك كۆماری‌ عیراق رایگه‌یاند‌ "به‌ نیگه‌رانییه‌كی زۆره‌وه‌ چاودێری ئه‌و ھه‌ڵسوكه‌وته‌ نابه‌رپرسانه‌ ده‌كه‌ن كه‌ له‌ سوید روویدا" دەشڵێت، "ئه‌و كاره‌ په‌یوه‌ندی به‌ ئازادی بیروڕاوه‌ نییه،‌ به‌ڵكو لێدانه‌ له‌ ئازادی".

د. له‌تیف ره‌شید سه‌رۆك كۆماری عیراق له‌ راگه‌یه‌ندراوێكدا سه‌باره‌ت به‌ سوتاندنی‌ قورئانی‌ پیرۆز له‌ وڵاتی‌ سوید، رایگەیاندووە: "ھێرشكردنه‌ سه‌ر قورئانی پیرۆز په‌یوه‌ندی به‌ ئازادی بیروڕاوه‌ نییه‌ به‌ڵكو لێدانه‌ له‌ ئازادی".

ئاماژەی بەوەشكردووە: "پێشتریش ھۆشداریماندابوو له‌ مه‌ترسی ئه‌و جۆره‌ ھه‌ڵسوكه‌وتانه‌ و لێكه‌وته‌كانی".

سه‌رۆك كۆماری‌عیراق راشیگه‌یاندووە: "ھێرشكردنه‌سه‌ر قورئانی پیرۆز تاوانه‌ و تێپه‌ڕاندنی ئازادییە و چاوه‌ڕوانین دامه‌زراوه‌ دادوه‌ریی و سیاسی و رۆشنبیرییه‌كان له‌سه‌رتاسه‌ری جیھان ھه‌ڵوێستی جددیان ھه‌بێت".
PUKMEDIA