سەڵاح جان راوێژکاری مەکتەبی راگەیاندن کۆچی دواییکرد

PUKMEDIA

سەڵاح جان

سەڵاح جان ئەندامی ئەنجومەنی راوێژکاری مەکتەبی راگەیاندن و تێکۆشەری دێرین بەیانی ئەمڕۆ پێنج شەممە، ٢٩-٦-٢٠٢٣، کۆچی دواییکرد.

بۆ کۆچی دوایی سەڵاح جان، چەندین پرسەنامە ئاڕاستەی خێزان و خانەوادەی کۆچکردوو کراوە.

سەرۆک بافڵ: سەڵاح جان هەڤاڵێكی وەفاداری یەكێتی بوو

بافڵ جەلال تاڵەبانی سەرۆکی یەکێتیی نیشتمانیی کوردستان، پرسەنامەیەک ئاڕاستەی كەسوكار و خانەوادەی هەڤاڵ سەڵاح جان دەکات و رایدەگەیەنێت، " هەڤاڵ سەڵاح کەسایەتییەکی نیشتمانپەروەر و شۆڕشگێڕێكی بەئەمەكی كوردستان و کوردانی فەیلی بوو، لە قۆناغە سەختەكانی خەباتی گەلی كورددا رۆڵێكی جوامێرانەی گێڕا و هەڤاڵێكی وەفاداری یەكێتی بوو".

دەقی پرسەنامەکەی سەرۆک بافڵ

بەڕێزان كەسوكار و خانەوادەی سەربەرزی هەڤاڵ سەڵاح جان

‎بەخەمێکی قووڵەوە هەواڵی کۆچی دوایی هەڤاڵ (سەڵاح جان) تێکۆشەری دێرین، یەکێک لە جوامێرەکانی هەڵۆی سوور و ئەندامی ئەنجوومەنی راوێژکاریی مەکتەبی راگەیاندنمان پێگەیشت.

‎هەڤاڵ سەڵاح کەسایەتییەکی نیشتمانپەروەر و شۆڕشگێڕێكی بەئەمەكی كوردستان و کوردانی فەیلی بوو، لە قۆناغە سەختەكانی خەباتی گەلی كورددا رۆڵێكی جوامێرانەی گێڕا و هەڤاڵێكی وەفاداری یەكێتی بوو.

‎بۆ خەمە گەورەیە پرسە و هاوخەمی قووڵی خۆمان ئاڕاستەی ئێوە و بنەماڵە تێکۆشەرەکەتان دەکەین، لەخوای گەورە داواکارین هەڤاڵی کۆچکردوومان بە بەهەشتی بەرین شاد بكات و سەبووری بەهەموولایەك ببەخشێت.

‎دڵسۆزتان
‎بافڵ جەلال تاڵەبانی
‎ سەرۆکی یەکێتیی نیشتمانیی کوردستان

پرسەنامەی مەکتەبی سیاسی 

مەکتەبی سیاسی یەکێتیی نیشتمانیی کوردستان، پرسەنامەیەک ئاڕاستەی خانەوادە و کەسوکاری تێکۆشەری دێرین سەڵاح جان دەکات کە ئەمە دەقەکەیەتی...

بەڕێزان خانەوادە وکەسوکاری  تێکۆشەری دێرین کاک سەڵاح جان 

  لەناخی دڵمانەوە  هاوبەشی خەم و ماتەمەتانین بۆ کۆچی دوایی کاک سەڵاح کەیەکێک بوو لە جوامێرەکانی دەستەی هەڵۆی سوری ڕێکخستنەکانی یەکێتی وکادرێکی دێرینی ڕاگەیاندن و ئەندامی ئەنجومەنی ڕاوێژکاریی مەکتەبی ڕاگەیاندن بوو.
لەیەزدانی مەزن داواکارین ڕۆحی کۆچکردو بەبەهەشتی بەرین  شاد بکات و سەبوری بەکەس وکار وهەڤاڵانی ببەخشێت . 

مەکتەبی سیاسی 
یەکێتیی نیشتمانیی کوردستان

پرسەنامەی مەکتەبی راگەیاندن

بۆ کۆچی دوایی سەڵاح جان، مەکتەبی راگەیاندنی یەکێتیی نیشتمانیی کوردستان پەیامێکی بڵاوکردووەتەوە و تێیداهاتووە: "هەڤاڵ سەڵاح جان جگەلەوەی کەسایەتییەکی دیاری کوردانی فەیلی بوو، لە بنەماڵەیەکی تێکۆشەر و کوردپەروەر بوو، بەو بۆنە خەمناکەوە بەناوی سەرجەم هەڤاڵانی مەکتەبی راگەیاندنەوە پرسەو سەرەخۆشی خۆمان ئاراستەی هاوسەر و منداڵەکانی و سەرجەم کەسوکار و بنەماڵەکە تێکۆشەرەکەیان دەکەین".

دەقی راگەیەندراوەکەی مەکتەبی راگەیاندن

مەکتەبی راگەیاندن سەرەخۆشی لە بنەماڵەی تێکۆشەر و ڕاوێژکار سەڵاح جان دەکات  

بەداخەوە هەواڵی کۆچی دوایی تێکۆشەری دێرین و یەکێک لە جوامێرەکانی هەڵۆی سور و ئەندامی ئەنجومەنی راوێژکاریی مەکتەبی راگەیاندن هەڤاڵ سەڵاح جان رادەگەیەنین.

کۆچکردوو جگەلەوەی کەسایەتییەکی دیاری کوردانی فەیلی بوو، لە بنەماڵەیەکی تێکۆشەر و کوردپەروەر بوو، بەو بۆنە خەمناکەوە بەناوی سەرجەم هەڤاڵانی مەکتەبی راگەیاندنەوە پرسەو سەرەخۆشی خۆمان ئاراستەی هاوسەر و منداڵەکانی و سەرجەم کەسوکار و بنەماڵەکە تێکۆشەرەکەیان دەکەین و داواکارین لە خوای گەورە خوالێخۆشبوو بە بەهەشتی خۆی شاد بکات و سەبووریی بە دۆستان و ئازیزانی بدات.
انا للە وانا الیە راجعون

مەکتەبی راگەیاندنی ی.ن.ک

پرسەنامەی قوباد تاڵەبانی

قوباد تاڵەبانی سەرپەرشتیاری مەکتەبی سکرتارییەتی سەرۆک مام جەلال، پرسەنامەیەک ئاڕاستەی خێزان و خانەوادەی سەڵاح جان دەکات.

دەقی پرسەنامەکە...

*بەڕێزان خێزان و خانەوادەی کۆچکردوو سەڵاح جان*

بەبیستنی هەواڵى کۆچی دوایی تێکۆشەری دێرین (سەڵاح جان)، نیگەران و دڵگران بووم. 

کۆچکردوو کەسایەتییەکی نیشتمانپەروەر و دیاری کوردانی فەیلی و ئەندامی ئەنجومەنی ڕاوێژکاریی مەکتەبی ڕاگەیاندنی (ی.ن.ک) بوو، کۆچکردنی جێگەی داخە.  

بۆ ئەم خەمە پرسەو سەرەخۆشی ئاراستەی خانەوادە تێکۆشەرەکەتان دەکەم و هاوبەشی غەمتانم، خواى گەورە لەکۆچکردوو خۆش بێت، سەبورى و دڵنەواییش بەهەموو لایەک ببەخشێت. 

انا لله و انا الیه راجعون 

قوباد تاڵەبانی
سەرپەرشتیاری مەکتەبی سکرتارییەتی سەرۆک مام جەلال