یەکێتی و پارتی لەهەولێر کۆبوونەوە

نوسینگەی رۆژنامەوانی سەرۆک بافڵ

سەرۆک بافڵ و فازڵ میرانی

بە ئامادەبوونی سەرۆک بافڵ جەلال تاڵەبانی، کۆبوونەوەی یەکێتیی نیشتمانیی کوردستان و پارتی دیموکراتی کوردستان لە بارەگای مەکتەبی سیاسی یەکێتی لە هەولێر بەڕێوەدەچێت.

پێشتریش لەبارەی کۆبوونەوەکەوە د. سۆران جەمال تاهیر وتەبێژی یەكێتیی نیشتمانییی كوردستان بە سایتی رەسمی یەکێتی PUKMEDIA ی راگەیاند:"تەوەری کۆبوونەوەکە بۆ هەڵسەنگاندنی بارودۆخی هەرێم و عیراق و ئەو ئاڵەنگارییانەیە لە بەرامبەر کورد هەیە بۆ داهاتوو، هەروەها ئەو کێشە و گرفتانەی هەیە و دانانی بەرنامەی چارەسەر بۆیان، لەگەڵ پێداچوونەوەی پەیوەندییەکانی نێوان یەکێتی و پارتی و بەهێزکردنی پەیوەندییەکانیان، تەوەری کۆبوونەوەکە دەبێت".

ئەمەش لەکاتێکدایە، دوێنێ ٢٥-٦-٢٠٢٣، بافڵ جەلال تاڵەبانی سەرۆکی یەکێتیی نیشتمانیی کوردستان بە یاوەری شاڵاو کۆسرەت رەسوڵ و سالار سەرحەد ئەندامانی سەرکردایەتی یەکێتی لە سلێمانی سەردانی بزوتنەوەی گۆڕان و یەکگرتووی ئیسلامی کوردستانیان کرد و دواتر لە هەولێر سەردانی کۆمەڵی دادگەری کرد و تاوتوێی چەند پرسێکی گرنگییان کرد.

PUKMEDIA