قوباد تاڵەبانی:حکومڕانی باش بیر لەژیانی داهاتووی نەوەکانی دەکاتەوە
کوردستان 09:21 PM - 2023-06-25قوباد تاڵەبانی جێگری سەرۆک وەزیران
ئەمڕۆ ٢٥-٦-٢٠٢٣ قوباد تاڵەبانی جێگری سەرۆک وەزیران بەمەبەستی تاوتوێکردنی پلانەکانی چۆنییەتی بەرەنگاربوونەوەی مەترسییە ژینگەییەکان لەگەڵ کۆمەڵێک لە پسپۆڕان و کەسانی ئاکادیمی لە بواری ژینگە کۆبووەوە، دواتر لەپۆستێکدا لە ئەکاونتی تایبەتی خۆی لەتۆڕی کۆمەڵایەتی فەیسبوک رایگەیاند:"حکومڕانییەک بەرامبەر بە نەوەکانی داهاتوو بەرپرسیار نەبێت، بەرامبەر بە ژیانی ئەو نەوەیەش بەرپرسیار نییە کە حوکمی دەکات".
دەقی پۆستەکە:
پرسی ژینگە وەک پێوەر..
وەکچۆن دایک و باوکێکی دڵسۆز هەموو شتێک دەکەن تا داهاتوو و ژیانێکی باش بۆ منداڵەکان و نەوەکانیان مسۆگەر بکەن، حکومڕانییەکی باشیش حکومڕانییەکە کە بیر لە ژیانی نەوەکانی داهاتوو بکاتەوە. حکومڕانییەک بەرامبەر بە نەوەکانی داهاتوو بەرپرسیار نەبێت، بەرامبەر بە ژیانی ئەو نەوەیەش بەرپرسیار نییە کە حوکمی دەکات.
بە هەمان شێوە کۆمەڵگایەکیش کە بەرامبەر بە نەوەکانی داهاتوو بەرپرسیار نەبێت، کۆمەڵگایەکی تەندروست نییە.
لێکۆڵینەوە ژینگەییەکان پێمان دەڵێن داهاتوویەکی مەترسیدار چاوەڕێی نەوەکانی داهاتوو دەکات، رەنگە ئەم نەوەیە دواین نەوەبێت بتوانێت پێش بە هەندێک لە کارەساتە ژینگەییەکان و لێکەوتە مەترسیدارەکانی بگرێت، ئەم نەوەیە چ وەک حکومڕان و چ وەک کۆمەڵگا.
هەربۆیە لەم سەردەمەدا هیچ حکومڕانییەک حکومڕانییەکی باش نییە ئەگەر پاراستنی ژینگە ئەولەوییەتی ستراتیژی نەبێت، هیچ کۆمەڵگایەکیش کۆمەڵگایەکی زیندووی هۆشیاری بەرپرسیار نییە کە بەرامبەر بە ژینگەکەی هەستیار نەبێت.
ئەمڕۆ لەگەڵ کۆمەڵێک لە پسپۆڕان و کەسانی ئاکادیمی لە بواری ژینگە کۆبوومەوە، تاوتوێی پلانەکانی چۆنییەتی بەرەنگاربوونەوەی مەترسییە ژینگەییەکانمان کرد، لە ماوەکانی داهاتوودا کۆبوونەوەی فراوانتریش لەسەر ئاستی پسپۆڕانی هەرێم و عێراق دەکەین تا بە هەوڵ و هیمەتی هەمەلایەنە بتوانین پرسی ژینگە بکەینەوە ئەولەوییەتی ستراتیژی لە سیاسەتی عێراق و هەرێمی کوردستان.
هەر لەم چوارچێوەیەدا سبەی کۆبوونەوەیەکی فراوانتر دەکەین بە بەشداری وەزارەت و لایەنە پەیوەندیدارەکانی حکومەتی هەرێم و سەرجەم کونسوڵ و نێردە دیپلۆماسییەکان لە هەرێم تا بە هاوکاری نێودەوڵەتی و وڵاتانی دۆست پێکەوە پلانێکی تۆکمەی گشتگیر ئامادە بکەین.
PUKMEDIA
هەواڵی زیاتر
-
کۆمسیۆن پێنج کورسی پەرلەمانی بۆ پیکهاتەکانی کوردستان دیاریدەکات
10:51 AM - 2024-05-21 -
مەکتەبی سکرتارییەت: بەرهەمەکانی مامۆستا ئەنوەر قەرەداغی سەرمایەیەکی بەنرخن
02:00 PM - 2024-05-20 -
قوباد تاڵەبانی: ئێران وڵاتێكی بههێزهو بهسهر ئهم كۆستهدا زاڵ دهبێت
01:13 PM - 2024-05-20 -
سەرۆک بافڵ: دڵمان لای گەل و سەرکردایەتی باڵای ئێرانە
11:38 AM - 2024-05-20
ئەمانەش ببینە
قوباد تاڵەبانی: ئیرادەی گەلی ئێران رۆژە ناخۆشەکان تێدەپەڕێنێت
10:30 AM - 2024-05-21
قوباد تاڵەبانی بۆ باڵیۆزی کوەیت: پەیوەندی بازرگانی بەهێزتر بکەین
06:08 PM - 2024-05-20
رێكخراوی پهیامنێران: لهسهر داوای داواكاری گشتی شاكار ستار دهستگیركراوه
02:43 PM - 2024-05-20
یەکێتی سەرەخۆشی لە کۆماری ئیسلامی ئێران دەکات
10:26 AM - 2024-05-20
زۆرترین خوێنراو
-
قوباد تاڵەبانی: ئیرادەی گەلی ئێران رۆژە ناخۆشەکان تێدەپەڕێنێت
کوردستان 10:30 AM - 2024-05-21 -
قوباد تاڵەبانی بۆ باڵیۆزی کوەیت: پەیوەندی بازرگانی بەهێزتر بکەین
کوردستان 06:08 PM - 2024-05-20 -
رێكخراوی پهیامنێران: لهسهر داوای داواكاری گشتی شاكار ستار دهستگیركراوه
کوردستان 02:43 PM - 2024-05-20 -
مەکتەبی سکرتارییەت: بەرهەمەکانی مامۆستا ئەنوەر قەرەداغی سەرمایەیەکی بەنرخن
ی ن ک 02:00 PM - 2024-05-20 -
قوباد تاڵەبانی: ئێران وڵاتێكی بههێزهو بهسهر ئهم كۆستهدا زاڵ دهبێت
هەواڵ 01:13 PM - 2024-05-20 -
سەرۆک بافڵ: دڵمان لای گەل و سەرکردایەتی باڵای ئێرانە
کوردستان 11:38 AM - 2024-05-20 -
سەرۆککۆماری عیراق: پشتیوانی گەلی ئێرانین لەم بارودۆخە سەختەدا
عیراق 11:35 AM - 2024-05-20 -
ئێران گیانلەدەستدانی سەرۆککۆمار و وەفدی یاوەری راگەیاند
جیهان 10:46 AM - 2024-05-20