له‌شه‌ش مانگی رابردوودا نزیكه‌ی 3500 زیندانی له ‌عیراق ئازاد كراون

عیراق 04:06 PM - 2023-06-25

PUKMEDIA

زیندان

سەرۆککۆمار

به‌ سه‌رپه‌رشتی و رێنمایی دكتۆر له‌تیف جه‌مال ر‌ه‌شید سه‌رۆك كۆمار، دوای زنجیره‌یه‌ك كۆبوونه‌وه‌ له‌گه‌ڵ سه‌رۆكی ئه‌نجومه‌نی باڵای دادوه‌ری دادوه‌ر فایق زه‌یدان و وه‌زاره‌ته‌كانی داد و ناوخۆ و ر‌اوێژكاری ئاسایشی نیشتمانی، رێككه‌وتن له‌سه‌ر پێكهێنانی سیستمێكی ئه‌لیكترۆنی هاوبه‌ش له‌ نێوان ده‌سه‌ڵاته‌ په‌یوه‌ندیداره‌كان بۆ به‌دواداچوونی دۆسیه‌كانی تاوانباران و ئه‌و كه‌یسانه‌ی كه‌ داوایان له‌سه‌ر كراوه‌، له‌گه‌ڵ ماوه‌ی كۆتایی سزاكانیان، بۆ دڵنیابوون له‌ ئازادكردنیان له‌كاتی دیاریكراودا به‌بێ دواكه‌وتن.

له‌ راگه‌یه‌ندراوێكی سەرۆکایەتی کۆماردا كه‌ كۆپیه‌كی بۆ PUKMEDIA نێردراوه‌ هاتووه‌، به‌پێی فه‌رمانی سه‌رۆككۆمار و به‌دواداچوونی له‌گه‌ڵ ئه‌نجومه‌نی باڵای دادوه‌ری و وه‌زاره‌ته‌كانی ناوخۆ و داد، وه‌زاره‌تی داد ده‌ستیكردووه‌ به‌ ئازادكردنی تاوانبار و ده‌ستگیركراوان به‌ شێوه‌یه‌كی به‌رده‌وام، به‌ بۆنه‌ی جه‌ژنی پیرۆزی قوربانه‌وه‌، له‌وچوارچێوه‌یه‌شدا ژماره‌ی ئه‌و كه‌سانه‌ی ئازادكراون له‌ 1/1/2023 بۆ 1/6/2023 گه‌یشتوه‌ته‌ (3469) سێ هه‌زار و چوار سه‌د و شه‌ست و نۆ زیندانی، به‌م شێوه‌یه‌..
- ئه‌و كه‌سانه‌ی ئازادكراون له‌ مانگی كانونی دووم (650)
- ئه‌و كه‌سانه‌ی ئازادكراون له‌ مانگی شوبات (652)
- ئه‌و كه‌سانه‌ی كه‌ له‌ مانگی ئازاردا ئازادكراون (754)
- ئه‌و كه‌سانه‌ی كه‌ له‌ مانگی نیساندا ئازادكراون (592)
- ئه‌و كه‌سانه‌ی كه‌ له‌ مانگی ئایاردا ئازادكراون (821)
ژماره‌ی ئه‌و مێرمنداڵانه‌ی كه‌ له‌ 1/1/2023 تا 31/5/2023 ئازادكراون گه‌یشتووه‌ته‌ (313) و ژماره‌ی ئه‌و مێرمنداڵانه‌ی كه‌ بۆ هه‌مان ماوه‌ ئازادكراون (414) منداڵه‌.
PUKMEDIA