ئاسایشی سلێمانی به‌كه‌متر له‌ 4 سه‌عات تۆمه‌تبارێك ده‌ستگیر ده‌كات

دەزگای ئاسایشی هەرێمی کوردستان

ساتی هەڵکوتانە سەر کۆمپانیایەکی ئاڵوگۆڕی دراو

 به‌ڕ‌ێوه‌به‌رایه‌تی ئاسایشی سلێمانی/ ناوشار، له‌ماوه‌ی كه‌متر له‌ چوار سه‌عاتدا، دزێك ده‌ستگیرده‌كات و پاره‌ دزراوه‌كه‌شی لێوه‌رده‌گیرێته‌وه‌.

سەعات (9.30) ده‌قیقه‌ی شه‌وی 20/6/2023، تۆمه‌تبارێك به‌ناوی(س. ا) به‌مه‌به‌ستی دزیكردن، هه‌ڵده‌كوتێته‌ سه‌ر كۆمپانیایه‌كی ئاڵوگۆڕ‌ی دراو له‌ یه‌كێك له‌ مۆڵه‌كانی شاری سلێمانی.

دوای ئه‌وه‌ی به‌ زه‌بری چه‌ك، بڕ‌ێكی زۆر پاره‌ له‌ كارمه‌ندی كۆمپانیاكه‌ ده‌بات و پاش ئاگاداركردنه‌وه‌ی هێزه‌كانی ئاسایش و به‌دواداچوون و گه‌ڕ‌انی ورد بۆ دۆزینه‌وه‌ی تۆمه‌تباره‌كه‌، سه‌رئه‌نجام توانرا له‌ ماوه‌ی كه‌متر له‌(4) سه‌عاتدا تۆمه‌تبار ده‌ستگیر بكرێت و پاره‌ دزراوه‌كه‌ش وه‌ربگیرێته‌وه‌.

تۆمه‌تباره‌كه‌ دانیشتووی هه‌رێمی كوردستانه‌ و ته‌مه‌نی(23) ساڵه‌، له‌ ئێستادا راگیراوه‌ و لێكۆڵینه‌وه‌ له‌ دۆسیه‌كه‌ی به‌رده‌وامه‌.
PUKMEDIA