کێشەی جوتیارانی کورد و تورکمان دەگەیەنرێتە دادگای فیدراڵی
کوردستان 06:37 PM - 2023-06-19دادگای فیدراڵی
دوو پەرلەمانتاری کوردی ئەنجومەنی نوێنەرانی عیراق لەبارەی داگیرکردنی زەوی و زاری جوتیارە کورد و تورکمانەکان لەلایەن عەرەبی هاوردەوە سکاڵا ئاڕاستەی دادگای فیدراڵی دەکەن و داوا دەکەن رێگری بکرێت لەو تەعریب کردنە، کەلەماوەی ساڵانی رابردوودا لە حاڵەتەوە بەرەو دیاردە باڵی کێشاوە.
رێگری لە داگیرکردنی زەوی و زاری جوتیاران دەکرێت
دیلان غەفور ئەندامی ئەنجومەنی
نوێنەرانی عیراق لە فراکسیۆنی یەکێتی لەسەر پشکی کەرکوک بە سایتی رەسمی یەکێتیی
نیشتمانیی کوردستان PUKMEDIA ی راگەیاند: "لەگەڵ هاوپیشەم د. یوسف محەمەد
سکاڵایەکمان لە دادگای فیدراڵی لەبارەی کێشەی زەوی و زارە کشتوکاڵییەکانی سنوری پارێزگای
کەرکوک تۆمارکرد، کەماوەی چەند ساڵێکە جوتیارە کورد و تورکمانەکان بەدەستییەوە
دەناڵێنن و داوامانکردووە ئەو بڕیارانەی لەلایەن رژێمی پێشوەوە دەرچووە رابگیرێت".
"لەڕێی دادگاوە رێگردەبین
لەهەموو ئەو دەستوەردانە نایاساییانەی کەبەرامبەر بە جوتیارانی کورد و تورکمان لە
سنوری پارێزگای کەرکوک دەکرێن و عەرەبی هاوردە دەخرێنە سەر زەوی و زاریان، هەر لە
چوارچێوەی هەوڵەکانمان سکاڵامان گەیاندوەتە دادگای فیدراڵی و داوامانکردووە رێگری
لە عەرەبی هاوردە بکرێت بۆ سەر زەوی کورد و تورکمانەکان"، دیلان غەفور وای وت.
ئەندامەکەی
فراکسیۆنی یەکێتی دەشڵێت: "حەوت مانگە سەرقاڵی ئامادەکردنی ئەو دۆسیەیەین، بۆ
ئەوەی بە بەڵگەی یاسایی سکاڵاکەمان بەهێز بکەین و لەرێی دادگای فیدراڵییەوە رێگری
بکەین لە داگیرکردنی زەوی و زاری کورد و تورکمانەکان".
نوێنەرانی کورد لەڕێی دادگای فیدراڵییەوە پارێزگاری لە جوتیاران دەکەن
نوێنەرانی کورد
لە بەغدا بەمەیدانی سەردانی جوتیارانی سنوری پارێزگای کەرکوک دەکەن و لەرێی دادگای
فیدراڵییەوە هەوڵی چارەسەرکردنی کێشەی زەوی و زارەکانیان دەدەن.
هەر لەو
بارەیەوە د. یوسف محەمەد ئەندامی خولی پێشووی فراکسیۆنی گۆڕان لەئەنجومەنی نوێنەرانی عیراق لە
پەڕەی تایبەتی خۆی لە تۆڕی کۆمەڵایەتی فەیسبووک رایگەیاندووە: "ئەمڕۆ دووشەممە
19-6-2023 دوو سکاڵامان لەبارەی بنبڕکردن و چارەسەری کێشەی جوتیاران بە تایبەت لە
ناوچەی سەرگەڕان و داقوق لە دادگای فیدراڵی تۆمارکرد".
"لەماوەی
رابردوودا چەند جارێک بە مەیدانی سەردانی ئەو ناوچانەمان کردوەو لە کێشەو کەم و کەموکوڕییەکانمان
کۆڵیوەتەوە، هیوادارین لەم رێگەیەوە بتوانین ئەو مافە بۆ جوتیارانی کورد و تورکمان
لەو ناوچانە بگەڕێنینەوەو رێگری لە تەعریبکردن بکەین" د. یوسف وای وت.
ماوەی چەند ساڵێکە
داگیرکردنی زەوی و زاری جوتیارانی کورد و تورکمان لە سنوری پارێزگای کەرکوک
بەبەرنامە کاری بۆ دەکرێت و لەو چوارچێوەیەشدا ژمارەیەکی زۆر عەرەب هاوردە کراوە و
لەسەر زەوی و زاریان جێگیر کراون، یەکێتیی نیشتمانیی کوردستان هەمیشە هەوڵی داوە پارێزەری
پێکەوە ژیان بێت لە کەرکوک و ناوچە جێناکۆکەکان و لەکاتی پێکهێنانی حکومەتی نوێی
عیراقیش بافڵ جەلال تاڵەبانی سەرۆکی یەکێتیی نیشتمانیی کوردستان چەند پرۆژەیەکی تایبەت
بە کەرکوک و ناوچە جێناکۆکەکانی پێشکەش کرد، کە خۆی لە کاراکردنەوەی لیژنەی ماددەی
140 و گواستنەوەی راژەی مامۆستایان و فەرمانبەرانی بەشی کوردی بۆ سەر وەزارەتی
پەروەردەی حکومەتی فیدراڵ و پێکهێنانی لیوای هاوبەش لە نێوان پێشمەرگە و سوپا بۆ
ئارامی زیاتری ناوچە جێناکۆکەکان دەبینیەوەو بەشێک لە پرۆژەکانی یەکێتی جێبەجێ
کران و چاوەڕوان دەکرێت لە ئایندەشدا بەشەکەی دیکەش جێبەجێ بکرێن.
PUKMEDIA
هەواڵی زیاتر
-
هێزی پێشمەرگە و سوپای عیراق و هاوپەیمانان کۆبونەوەی باڵا دەکەن
09:34 PM - 2024-05-18 -
نێروەیی: هەواڵەکەی خەبات پەیامێکی هەواڵگرییە
05:33 PM - 2024-05-18 -
کتێبی شەو لەكێوان ناساندنی بۆ كرا
11:36 AM - 2024-05-18 -
ساڵیادی کۆچی دوایی عادل موراد بەڕێوەچوو
11:08 AM - 2024-05-18
ئەمانەش ببینە
لەهەڵبژاردنی سەرۆکی پەرلەماندا عیساوی پێش مەشهەدانی کەوت
05:45 PM - 2024-05-18
دەنگدان بۆ هەڵبژاردنی سەرۆکی نوێی ئەنجومەنی نوێنەران دەستیپێکرد
04:10 PM - 2024-05-18
سەرۆکی فراکسیۆنی یەکێتی: دانانی پارێزگارێک بۆ کەرکوک کێشەکان چارەسەر دەکات
12:33 PM - 2024-05-18
شەش ساڵ بەسەر کۆچی دوایی عادل موراد دا تێدەپەڕێت
09:11 AM - 2024-05-18
زۆرترین خوێنراو
-
جاسوسی
بیروڕا 09:23 PM - 2024-05-18 -
لەهەڵبژاردنی سەرۆکی پەرلەماندا عیساوی پێش مەشهەدانی کەوت
عیراق 05:45 PM - 2024-05-18 -
نێروەیی: هەواڵەکەی خەبات پەیامێکی هەواڵگرییە
کوردستان 05:33 PM - 2024-05-18 -
دەنگدان بۆ هەڵبژاردنی سەرۆکی نوێی ئەنجومەنی نوێنەران دەستیپێکرد
کوردستان 04:10 PM - 2024-05-18 -
سەرۆکی فراکسیۆنی یەکێتی: دانانی پارێزگارێک بۆ کەرکوک کێشەکان چارەسەر دەکات
کوردستان 12:33 PM - 2024-05-18 -
کتێبی شەو لەكێوان ناساندنی بۆ كرا
کوردستان 11:36 AM - 2024-05-18 -
ساڵیادی کۆچی دوایی عادل موراد بەڕێوەچوو
ی ن ک 11:08 AM - 2024-05-18 -
ئهنجومهنی نوێنهران بۆ ههڵبژاردنی سهرۆكهكهی كۆدهبێتهوه
عیراق 09:46 AM - 2024-05-18