پرسەنامەی مەکتەبی سکرتاریەتی سەرۆک مام جەلال بۆ کۆچی دوایی خاتوو فاتیمە

PUKMEDIA

پرسەنامە

مەکتەبی سکرتاریەتی سەرۆک مام جەلال بۆ کۆچی دوایی خاتوو (فاتیمە محەمەد گورون) پرسەنامەیەک ئاڕاستەی بنەماڵەکەیان دەکات.

دەقی پرسەنامەکە...

بەڕێز خانەوادەو کەسوکاری سەربەرزی خوالێخۆشبوو رەزا ئەحمەد دێکۆنی 

بەداخ و خەمێکی قووڵەوە هەواڵی کۆچی دوایی خاتوو ( فاتیمە محەمەد گورون  ) هاوسەری تێکۆشەری دێرین ( مام رەزا ئەحمەد دێکۆنی ) و دایکی هەڤاڵان کاک خەبات ، کاروان ، ئازاد و  هەردوو شەهیدی قارەمان شەهید ( ئاسۆ و ئاکۆ ) مان پێگەیشت .
بۆ ئەم خەمە پرسەو سەرەخۆشی ئاڕاستەی ئێوەو کەسوکارو بنەماڵە سەربەرزو تێکۆشەرەکەتان دەکەین کە نموونەیەکی هەرباڵای قوربانیدان و تێکۆشانی  خەباتی گەلەکەمانن .
بۆ ئەم خەمە لە نزیکەوە هاوخەمتانین لەخوای گەورە داواکارین ئەمە دواناخۆشیتان بێت و رۆحی کۆچکردووش بەبەهەشتی بەرین شادبکات سەبرو ئارامیش بە هەموو لایەکتان ببەخشێت .

مەکتەبی سکرتاریەتی سەرۆک مام جەلال