گه‌شتوكاڵ ده‌كه‌وێته‌ بواری جێبه‌جێكردنه‌وه‌

نوسینگەی رۆژنامەوانی قوباد تاڵەبانی

ئامادەکاری بۆ راگەیاندنی پرۆژەی گەشتوکاڵ

نوسینگەی جێگری سەرۆک وەزیران ئامادەکاری بۆ راگەیاندن و سەرپێخستنی پرۆژەی گەشتوکاڵ دەکات، بەڕێوەبەری نوسینگەکەش دەڵێت:"مه‌به‌ستمانه‌ له‌ڕ‌ێی ئه‌م پڕ‌ۆژه‌یه‌وه‌، په‌ره‌ به‌بواری گه‌شتوگوزار و كشتوكاڵ بده‌ین و هه‌وڵی ره‌خساندنی هه‌لی كاری زیاتر بده‌ین".

ژووان سابیر به‌ڕ‌ێوه‌به‌ری نوسینگه‌ی جێگری سه‌رۆك وه‌زیرانی حكومه‌تی هه‌رێمی كوردستان رایگه‌یاند:" ئه‌مڕ‌ۆ 15-6-2023 له‌ سه‌رۆكایه‌تی ئه‌نجومه‌نی وه‌زیران له‌گه‌ڵ نوێنه‌ری تایبه‌تی ئاژانسی GIZی ئه‌ڵمانی و خاتوو دۆچكه‌ راوێژكاری پسپۆڕ له‌و بواره‌دا كۆبووینه‌وه‌و پێكه‌وه‌ باسی ئاماده‌كارییه‌كانی راگه‌یاندن و سه‌رپێخستنی پڕ‌ۆژه‌ی گه‌شتوكاڵمان كرد".

"مه‌به‌ستمانه‌ له‌ڕ‌ێی ئه‌م پڕ‌ۆژه‌یه‌وه‌، په‌ره‌ به‌بواری گه‌شتوگوزار و كشتوكاڵ بده‌ین و هه‌وڵی ره‌خساندنی هه‌لی كاری زیاتر بده‌ین" ژوان سابیر وایوت.

(گه‌شتوكاڵ) agro-turism  وشه‌یه‌كی لێكدراوی گه‌شتوگوزار و كشتوكاڵه‌و پڕ‌ۆژه‌یه‌كی نوێیه‌ كه‌ به‌مزوانه‌ ده‌كه‌وێته‌ بواری جێبه‌جێ كردنه‌وه‌.

PUKMEDIA