پڕۆژەكەی یەكێتی خزمەتی بە 15 هەزار مامۆستا دەكرد
کوردستان 11:24 AM - 2023-06-15خۆپیشاندانی مامۆستایانی بەشی کوردی لە کەرکوک
یەكێتیی نیشتمانیی كوردستان لەڕێی فراكسیۆنەكەیەوە لە بەغدا شەڕی پەسەندكردنی پڕۆژەی گواستنەوەی راژەی مامۆستایانی بەشی كوردی ناوچە جێناكۆكەكانی بۆسەر وەزارەتی پەروەردەی عیراق دەكرد و بەوەش 15 هەزار مامۆستا و فەرمانبەر سوودمەند دەبوون، بەڵام بەپیلانگێڕی فراكسیۆنێك كێشەی بۆ پەسەندكردنی پڕۆژەكە دروستكرا.
سەباح حەبیب ئەندامی فراكسیۆنی یەكێتی لە ئەنجومەنی نوێنەرانی عیراق لەسەر پشكی كەركوك لە لێدوانێكیدا بۆ سایتی رەسمی یەكێتیی نیشتمانیی كوردستان PUKMEDIA رایگەیاند: "هەر لە سەرەتای پێكهێنانی حكومەتی نوێی عیراق، بافڵ جەلال تاڵەبانی سەرۆكی یەكێتیی نیشتمانیی كوردستان پرسی گواستنەوەی راژەی مامۆستایانی بەشی كوردی ناوچە جێناكۆكەكانی وەك داوایەكی یەكێتی خستە كارنامەی حكومەتی نوێی عیراقەوە و ئێمەش وەك فراكسیۆن هەموو رێكارە یاساییەكانمان تەواو كرد، بەڵام بەداخەوە فراكسیۆنی پارتی لەگەڵ پەسەندكردنی پڕۆژەكەدا نەبوو و كێشەی بۆ دروستكرد".
"تەنها فراكسیۆنی یەكێتی لە ئەنجومەنی نوێنەرانی عیراق شەڕی بۆ پەسەندكردنی ئەو پڕۆژەیە دەكرد و بەردەوامیش دەبین لە پشتیوانی كردنی مامۆستایانی بەشی كوردی لە ناوچە جێناكۆكەكان، داوامان لە سەرۆك وەزیران و سەركردە سیاسییەكانیش كردووە رێگاچارەیەك بۆ ئەو پرسە بدۆزنەوە، چونكە لە بەرژەوەندی گشتیدایە" سەباح حەبیب وادەڵێت.
15 هەزار مامۆستا و فەرمانبەر سوودمەند دەبوون
بەپێی بەدواداچوونەكانی PUKMEDIA لەو پڕۆژەیەی یەكێتی 15 هەزار مامۆستا و فەرمانبەری بەشی كوردی ناوچە جێناكۆكەكان كە سەر بە كەركوك و نەینەوا و دیالەن لێی سوودمەند دەبوون و لە راستیشدا ئەو پارێزگایانە لەژێر دەسەڵاتی حكومەتی عیراقدان.
فراكسیۆنی یەكێتی پشتیوانی داواكاری بەشی كوردی دەكات
ئەمەش لە كاتێكدایە رۆژی 14-6-2023، مامۆستایان و وانەبێژان و فەرمانبەرانی بەشی خوێندنی كوردی لە كەركوك خۆپیشاندانێكیان ئەنجامدا و لە بەیاننامەیەكدا داوایانكرد مافەكانیان لەبارەی گواستنەوەی راژەكانیان بۆ سەر وەزارەتی پەروەردەی عیراق بۆ بگەڕێندرێتەوە، چونكە لەڕووی ئیدارییەوە سەر بە بەڕێوەبەرایەتییەكانی پەروەردەی پارێزگاكانی كەركوك، سەڵاحەدین، دیالە و موسڵن.
هەر لە خۆپیشاندانەكەدا فراكسیۆنی یەكێتیی نیشتمانیی كوردستان لە ئەنجومەنی نوێنەرانی عیراق پشتیوانی تەواوی خۆیان بۆ داوا رەواكانی مامۆستا و فەرمانبەرانی بەشی كوردی ناوچە جێناكۆكەكان لەبارەی گواستنەوەی راژەكانیان بۆ سەر وەزارەتی پەروەردەی عیراق دەربڕی و ئاماژەیان بەوەدا رێكاری یاسایی دیكە بۆ گەڕاندنەوەیان مافەكانیان دەگرینەبەر.
PUKMEDIA
هەواڵی زیاتر
-
بازرگانێکی نێودەوڵەتی ماددەی هۆشبەر دەستگیردەکرێت
09:06 PM - 2024-05-04 -
سالار مەحمود: پەرلەمان بووەتە قوربانی ململانێی نا سیاسی
09:38 PM - 2024-05-03 -
قوباد تاڵەبانی: گیانلەدەستدانی چەند ئەندامێکی گروپێکی شاخەوانی هەموومانی دڵگران کرد
07:12 PM - 2024-05-03 -
شاڵاو کۆسرەت رەسوڵ: لەخزمەتی خانەوادەی شەهیداندا دەبین
06:29 PM - 2024-05-03
ئەمانەش ببینە
سەرۆک بافڵ دەچێتە ئەمریکا
05:24 PM - 2024-05-04
قوباد تاڵەبانی بۆ وەفدێکی سێناتی ئەمریکا: دواخستنی هەڵبژاردن زیانە بۆ هەرێم
04:03 PM - 2024-05-04
کۆمسیۆن لە 90٪ی ئامادەکارییەکانی هەڵبژاردن تەواودەکات
10:53 AM - 2024-05-04
سەرۆک بافڵ: هەوڵەكانمان لەپێناو پاراستنی ژیانی خەڵك و سەقامگیریی وڵاتدا بەردەوام دەبێت
05:23 PM - 2024-05-03
زۆرترین خوێنراو
-
بازرگانێکی نێودەوڵەتی ماددەی هۆشبەر دەستگیردەکرێت
کوردستان 09:06 PM - 2024-05-04 -
وەفدێکی یەکێتی گرێبەستی کشتوکاڵی و وەبەرهێنان لە دوبەی ئیمزا دەکات
کوردستان 07:34 PM - 2024-05-04 -
شاڵاو کۆسرەت رەسوڵ بەشداری لە ژمارەیەک پرسە دەکات
پرسەنامە 06:34 PM - 2024-05-04 -
سەرۆک بافڵ دەچێتە ئەمریکا
کوردستان 05:24 PM - 2024-05-04 -
هاوخەمی کۆسرەت رەسوڵ بۆ بنەماڵەی مامۆستا جەلال
پرسەنامە 04:13 PM - 2024-05-04 -
قوباد تاڵەبانی بۆ وەفدێکی سێناتی ئەمریکا: دواخستنی هەڵبژاردن زیانە بۆ هەرێم
کوردستان 04:03 PM - 2024-05-04 -
کۆمسیۆن لە 90٪ی ئامادەکارییەکانی هەڵبژاردن تەواودەکات
کوردستان 10:53 AM - 2024-05-04