قوباد تاڵەبانی بۆ هێرۆخان: عینادیەکەم لەسەر باوەڕەکانم هی تۆیە

PUKMEDIA

هێرۆخان

قوباد تاڵەبانی بۆ رۆژی لەدایکبوونی هێرۆخانی دایکی دەڵێت: "تۆ فێری زۆر شتت کردم، عینادییەکەم هی تۆیە دایە گیان، بەڵام عینادییەک لەسەر بڕوا و مەبدەئەکانم".

قوباد تاڵەبانی لەپەیجی خۆی لە فەیسبوک دەڵێت: "سۆز و هەستی دایکانەی تۆ تەنها بۆ من و کاکم نەبوو، تۆ خەمی هەموو منداڵانی کوردستانت بوو.".

دەقی پەیامەکەی قوباد تاڵەبانی

بۆ دایکم…
تۆ لە شاخ و پێشمەرگایەتیدا ژنانت لە دەوری یەکەم یەکێتی ژنان کۆکردەوە، لەدوای راپەڕین و لەشاردا یەکەم رێکخراوی منداڵپارێزت دروست کرد.
سۆز و هەستی دایکانەی تۆ تەنها بۆ من و کاکم نەبوو، تۆ خەمی هەموو منداڵانی کوردستانت بوو.
تۆ فێری زۆر شتت کردم… عینادییەکەم هی تۆیە دایە گیان، بەڵام عینادییەک لەسەر بڕوا و مەبدەئەکانم.
لە تۆ فێربووم راستگۆبم ، بڕوام بە یەکسانی بێت، ژینگەم خۆشبوێت و کوردستان لەدڵمدا بێت.
تۆ ئەوەت فێری من و کاکم کرد گوێگرتن لەخەڵک و ویستی خەڵک گرنگتر بێ لامان لەبەرژەوەندی خۆمان.
ئەگەر خەڵکی هەزار هۆکاریان هەبێت دایکیان خۆشبوێت، من هەزار و یەک هۆکارم هەیە.

جەژنی لەدایکبوونت پیرۆز، بۆمان بمێنی دایە گیان.