د. بڕیار رەشید: پاشەکەوت دەگەڕێنینەوە

.

د. بڕیار رەشید ئەندامی ئەنجومەنی نوێنەرانی عیراق

ئەندامێکی فراکسیۆنی یەکێتی لە ئەنجومەنی نوێنەرانی عیراق رایدەگەیەنێت، "لەم مانگەوە کێشەی مووچەی هاووڵاتیان نامێنێت و هەموو مانگێک لە سەری مانگ موچە دەدرێت و ئەمڕۆش پاشەکەوتی مووچە دەگەڕێنینەوە".

دادپەروەریمان چەسپاند

د بریار رشید ئەندامی ئەنجومەنی نوێنەرانی عیراق لە فراکسیۆنی یەکێتی بە سایتی رەسمی یەکێتیی نیشتمانیی کوردستان PUKMEDIA ی راگەیاند: "بەڵێنــێکە داومانـە بەخوا و خەڵکمان دوێنێ دادپەروەری و نەهێشتنی زوڵممان چەسپاند، ئەمڕۆش مــافی خوراوی خەڵکمان دەگڕێنینەوە".
‌‎"کە ئەمرۆ بودجە پەسەندکرا، واتە لەم مانگەوە کێشەی مووچەی هاوڵاتیان نامێنێت و هەموو مانگێک لە سەری مانگ موچە دەدرێت بە هاوڵاتیان وەک هەموو پارێزگاکانی عیراق"، د. بڕیار رەشید وادەڵێت.
‌‎

پشتیوانی داواکارییەکانی یەکێتی بن

‌‎ئەندامەکەی ئەنجومەنی نوێنەران ئاماژەی بەوەشداوە: "دوا دەرفەتە ئەمڕۆ لە بەردەم هەموو لایەنە کوردیەکان واز لە ئینکاری سیاسی بهێنن و پشتیوانی داواکاریەکەی یەکێتی بن لە گەڕانەوەی پاشەکەوتی مووچە، هاووڵاتیان و مووچە خۆرانی کوردستان لە رابردودا نارەحەتی زۆریان چەشتوە ئەگەربێت و هەر لایەنێک دژی ئەم بڕگەیە بێت ئەوا لە داهاتوودا بە دڵنیایەوە هاووڵاتیان رەحمیان پێ ناکەن و سزایان دەدەن".
‌‎"ئەمڕۆ پاشەکەوتیش دەگەڕێنینەوە، خۆ ئەگەر لایەنە کوردییەکانی تر وەک دوێنێ بیانوی جۆراو جۆر بۆ رێکەوتنی ژێر بەژێری خۆیان بهێننەوە و لەگەلمان نەبن، ئەوە هەر پاشەکەوت دەگەڕێنینەوە"، د. بڕیار وادەڵێت.

رۆژی شەممە ١٠-٦-٢٠٢٣، د. بڕیار رەشید بە PUKMEDIA ی راگەیاند: "ئیمزای پێویســتمان بۆ زیادکردنی ڕێژەی پاشەکـەوتی موچـە بۆ ۱۲ لەسەد کۆکردۆتەوە و لەنێوهۆڵی پەرلەمان دەنــــگی لەسەر دەدەین، هەردوو حوکمەتی ناوەند و فیدڕاڵ پابەند کراون بەجێبەجێکردنی ئەم ماددەیە".
PUKMEDIA