مەڵبەندی سلێمانی: دژەتیرۆر بەشدارە لەپاراستنی ئاسایشی هەرێم و عیراق

تایبەت

سەردانی لێپرسراوی مەڵبەند بۆ دژە تیرۆر

وەهاب هەڵەبجەیی بەڕێوەبەری گشتیی دژەتیرۆ پێشوازی لە جەزا سەید مەجید لێپرسراوی مەڵبەندی یەکی رێکخستنی سلێمانی و ئەنجوومەنی مەڵبەند کرد .

لەدیدارێکدا لێپرسراوی مەڵبەندی سلێمانی ستایشی دڵسۆزی و رۆڵی قارەمانانەی هێزەکانی دژەتیرۆرکرد، لە روبەرووبوونەوەی جەنگی تیرۆر و بەرقەراکردنی ئاسایش و ئارامی لە هەرێمی کوردستان و  بەشداربوون لە پاراستنی ئاسایشی تەواوی عیراق، هەروەها پشتیوانی خۆیان بۆ تەواوی چالاکییەکانی بەڕێوەبەرایەتی گشتیی دژەتیرۆر و فەرماندەکانیان دووپاتکردەوە.

لەبەرامبەردا بەڕێوەبەری گشتیی دژەتیرۆر دڵنیاییدا وەک هەمیشە لە سەنگەری پاراستنی ئارامی و سەروماڵی خەڵک دەبن و بێ گوێدانە مەرامی ناحەزان ئەرکی خۆیان بەجێدەگەیەنن و هێڵی یەکەمی بەرگری دەبن لە پاراستنی سەقامگیری هەرێمی کوردستان و عیراق.

PUKMEDIA