تەمویلكردنی پڕۆژەی پارێزگاكان بە یەكسانی دەبوو زووتر بكرێت

PUKMEDIA

كاروان گەزنەیی

كاروان گەزنەیی

بەئەولەویەتگرتنی مووچەی مووچە خۆران و تەمویلكردنی پڕۆژەی پارێزگاكان بە یەكسانی، دەبوو زۆر زووتر بكرێت…


لەمێژ ساڵبوو لە نزیكەوە شایەتی برسیكردن و گەمارۆخستنەسەر پارێزگاكانی سلێمانی، هەڵەبجە و ئیدارەكانی راپەڕین و گەرمیان بووین، دەمێك بوو هەموو رێكارێكمان گرتبەر بەر بەرامبەر بە سیاسەتی برسیكردن و خۆسەپێنی و قۆڵبادان، سوودی نەبوو، زۆرمان وت و كەم گوێیان گرت. 

ئەوەی ئازایانە فراكسیۆنی یەكێتی و هاوپەیمانەكانیان كردیان، هەوڵێكبوو بۆ راستكردنەوەی رێڕەوی چەوتی حكومڕانی و نادادی و ناجۆری سیاسەتكردن بە شێوەیەكی یاسایی و لەسەر بنەمای دەستوور. 

ئەگەر ویستی خۆسەپێنی و جیاكاری و نادادی لە ئەجێنداتاندا نییە، هیچ نەگۆڕاوە جگەلە بیرهێنانەوە لە هەبوونی ماددەیەكی دەستووری بۆ پاراستن و زامنكردنی مافی هاووڵاتیان. 

بە ئەولەویەتگرتنی موچە و سەپاندنی دادەپەروەری و یەكسانی لە نێوان پارێزگاكان، كارێكی لە پێشینە و گرنگ بوو، لە هەمانكاتدا، هەوڵێك بوو بۆ پێشگرتن و كۆتایهێنان بە ویستی تاكڕەوی و خۆسەپێنی و سیاسەتی خۆزاڵكردن بە زۆرینە و كەمینە. 

ئەقڵەیەتی كە لەگەڵ من نەبی، دوژمنمیت و خائینیت، چیتر جەدوای نییە، خەڵك هۆشیارە و ژیانیان دەوێت نەك  سیاسەتی دروشمبازی بێ ناوەڕۆك و برسیكردن و بە كۆیلەكردن. 

دووبارە دەستتان خۆش فراكسیۆنی گەلی یەكێتیی نیشتمانیی كوردستان.

PUKMEDIA